آرتیق ۱۰ ایلدن چوخدور کی، ارمنیستانین مولکی آویاسییاسی روسلارا وئریلیب.

آخار. آذ خبر وئریر کی، بونو «1in.am» سایتینا آچیقلاماسیندا ارمنیستان مولکی آویاسییاسی ایداره‌سینین کئچمیش رئیسی شاقئن پتروسیان سؤیله‌ییب.

«ان دوغرو قرار ارمنیستانین اؤز آویاشیرکتینی یاراتماسی اولار. من دفعه‌لرله بونون حاقیندا دانیشمیشام، اما منی هئچ کیم ائشیتمه‌ییب. هر شئییمیزی ساتمیشیق. تهلوکسیزلییمیزی، اوردوموزو، مدافعه‌میزی روسلارا ساتمیشیق. قوی تئزلیکله، واحید دؤولت یارادیب، بئلاروسداکی کیمی هر شئیه سون قویسونلار. بیز ایندی هانسی موستقیللیکدن دانیشا بیلریک؟ روسییا بیزه اؤزونون «سوپئرژت» طییاره‌لرینی سیریماق ایسته ییر. بیز آرتیق تدقیقات میدانینا چئوریلیریک. دونیادا هئچ کیم «سوپئرژت»لری آلماییب، آلانلار ایسه گئری قایتاریبلار. دونیادا طییاره ایستحصالی ایله باغلی ایکی اساس شیرکت وار. بونلار «بوینگ» و «ایرباس» شیرکتلری‌دیر. بیز نیه «سوپرژت»لر آلمالیییق؟ بو «موسکویچ»، «زاپوروژئ» و یا «وولقا» آلیب سورمه‌یه برابردیر»، – دئیه او بیلدیریب.

قئید ائدک کی، ارمنیستانین اؤزونه عایید هئچ بیر آویاشیرکتی یوخدور. اؤلکه‌ده اولان آویاشیرکتلرین هامیسی بانکروت اولوب. ارمنی آویاشیرکتلرین ایجرا ائتمه‌لی اولدوقلاری بوتون فعالیت ساحه‌لری روسییا شیرکتلرینه وئریلیب.