آوروپا اینسان حاقلاری محکمه‌سی (آیهم) اؤزلرینی «یهووانین شاهیدلری» آدلاندیران بیر قروپ ایددیاچینین حقوقلارینین پوزولماسی سببی ایله ارمنیستانی ۱۲ مین آورو جریمه‌له‌ییب.

آخار. آذ خبر وئریر کی، بو باره‌ده ائرمنی مدیاسی اینفورماسییا یاییب.

اینسان حاقلاری و اساس آزادلیقلارین مدافعه‌سی اوزره آوروپا کونونسییاسینین ۳۴-جو مادده‌سینه اساساً، ۴ ارمنیستان وطنداشی (آرتور آدیان، قارگین آوئتیسیان، آروتیون خاچاتریان و وااقن مارقاریان ۲۰۱۱-جی ایل دکابرین ۶-دا) آوروپا محکمه‌سینده ارمنیستان رسپوبلیکاسینین علیهینه ادعا قالدیریبلار. ادعاچیلار آیهم-ا باره‌لرین‌ده وئریله‌ن محکمه قرارلارینین قانونلا ضدیت تشکیل ائتمه‌سی و نتیجه‌لرین محکمه‌لرین ایستروتیپیک آرگومنتلرینه اساسلانماسینا گؤره شیکایت ائدیبلر.

۲۰۱۱-جی ایلین مای و ایون آیلاریندا ادعاچیلار حربی خیدمته چاغیریلیبلار. تعیین اولونان واختدا حربی خیدمت کئچمک اوچون حاضر اولمایان «یهووانین شاهیدلری» بونون اوزینه سلاحلی قوه‌لرین یئرلی ایستروکتورلارینا و رگیونال پروکورورلوغا مکتوبلا مراجعت ائد‌رک، حربی و یا آلترناتیو خیدمت آپارماقدان ایمتیناع ائدیبلر. اونلار «یئهووانین شاهیدلر» اولدوقلارینی بیلدیریبلر. "آلترناتیو خیدمت حاقیندا قانونو" اؤیرندیکدن سونرا آوروپا ایستاندارتلارینا اساساً تکلیف اولونان حربی خیدمتین مولکی کاراکتر داشیمادیغی قناعتینه گلیبلر. بونا سبب کیمی ایسه همین پروسئسه حربی حاکمیتین رهبرلیک ائتمه‌سی گؤستریلیب.

ادعاچیلار ائرمنیستان‌دا گوناهکار حساب ائدیله‌رک حبس اولونوبلار. ۲۰۱۲-جی ایلده آپلیاسییا محکمه‌سی اونلارین شیکایتلرینه باخماقدان ایمتیناع ائدیب. اونلار ۲۶-۲۷ آیلیق حبسدن سونرا ۲۰۱۳-جو ایلده عفو اولونوبلار.