موتفیقلریمیزی ایرانین بؤلگه‌ده‌کی ایستابیللیگی پوزماق سیاستینه قارشی بیزه قوشولماغا چاغیریرام.

آخار. آذ خبر وئریر کی، بو سؤزلری آمریکا پرزیدنتی دونالد ترامپ ایران ایله ۲۰۱۵-جی ایلدکی نووه سازیشی ایله باغلی یئنی ایستراتژییاسینی آچیقلایارکن دئییب.

ترامپ سؤزوگئدن موقاویله‌نین بیرطرفلی باغلانان موقاویله اولدوغونو و بونونلا باغلی ایرانا نووه سلاحی پروگرامینا داوام ائتدیرمک اوچون بیر ایمکان تکلیف ائتدیینی، همچینین کنگرسه موقاویله ایله باغلی نقصانلارین آرادان قالدیریلماسی تاپشیریغینی وئردیینی قید ائدیب.

"اگر یئنی تکلیف مثبت سونلاندیریلماسا، ایرانلا موقاویله‌یه خیتام وئریلجک. ایران رژیمی ۱۱ سنتیابر هوجومونو ائد‌ن ترورچولاری ساخلاییب و اوسامه بن لادنین ده اوغلو بونلارین ایچینده اولوب. تهران دونیادا ترورا دستک وئرن اؤلکه‌لرین باشیندا گلیر. ال قایده، حزب اللاه، یمن حوثیلرینه دستک وئرمکده داوام ائدیر. ایران آمریکا قوشونلارینی و موتفیقلریمیزی تهدید ائد‌ن راکتلری اینکیشاف ائتدیرمه‌یه داوام ائدیر. عرب یاریماداسیندا بو تجاوزلره داوام ائدیر و یالان-یانلیش اتهاملارلا آمئریکالیلاری گیروو ساخلاییر"، - ترامپ وورغولاییب.

خاطیرلاداق کی، واشینگتن ایران رژیمینین، خصوصیله، ایران ایسلام اینقیلابی کئشیک‌چیلری کورپوسونون (سپاه) ضرلی فعالیتینین مالیلشدیریلمه‌سینه ایمکان وئرمیجیینی اعلان ائدیب و سؤزوگئدن تشکیلاتی قارا سیاهییا سالیب.