آمئریکانین ایستانبول کونسوللوغونون امکداشی متین توپوزون فئتؤ ایستینتاقی چرچیوه‌سینده توتولماسیندان سونرا واشینگتون توپوزون موصادیره اولونان موبیل تلفونونون قایتاریلماسینی طلب ائدیب.

آخار .آذ خبر وئریر کی، بو باره‌ده «هابئر ۷» اینفورماسییا یاییب.

معلوماتا گؤره، تورکییه‌یه نوتا گؤندره‌ن واشینگتون متین توپوزون ایستیفاده ائتدیی موبیل تلفونون آمئریکا مخصوص اولدوغونو بیلدیره‌رک ان قیسا زاماندا کونسوللوغا قایتاریلماسینی طلب ائدیب.

«متین توپوزا عایید «...» مارکالی موبیل تلفون و یا «...» نؤمره‌لی سیم کارتلا باغلی ایسته‌نیله‌ن معلومات کونسوللوق موناسیبتلرینه دایر ویانا راضیلاشماسینین ۳۳-جو مادده‌سینه اساساً کونسوللوق آرخیوی و سندلرینه عاییددیر»، - نوتادا دئییلیب.

قئید ائدک کی، آمئریکانین ایستانبول کونسوللوغونون امکداشی متین توپوزون فئتؤ ایستینتاقی چرچیوه‌سینده توتولماسی آنکارا ایله واشینگتون آراسیندا ویزا بحرانینا سبب اولموشدو.