کاخا کالادزه رجب طایییب اردوغانین یولونو گئدیر.

آخار. آذ خبر وئریر کی، بو سؤزلری پولیتولوگ الخان شاهین اوغلو قید ائدیب.

اکسپرت بیلدیریب کی، کالادزه یاخین گله‌جکده باش ناظر، یاخود پرزیدنت پوستونا ادعا ائده بیلر:

«اردوغان دا گنجلیینده آز قالا پئشکار سوییه‌ده فوتبول اویناییب، سونرا سیاستله ماراقلانیب، اوغورلار قازانیب و ایستانبول بلدییه باشچیسی وظیفه‌سینه قدر مسافه قطع ائدیب، باش ناظر اولوب و ایندی اؤلکه‌سینین پرزیدنتیدیر. البته کاخا کالادزه فوتبولدا اردوغانی خیلی اوسته‌له‌ییب، «میلان» کیمی دونیا شهرتلی کلوبدا چیخیش ائدیب، آوروپانین محتشم کوبوکلارینی قازانیب، آنجاق او دا اردوغان کیمی سیاسته گلیب، موختلیف ناظر پوستلارینی توتوب و بو گون تیفلیسین مئری سئچیلیب. فیکریمجه، کاخا کالادزه تیفلیس مئری کیمی اوغورلا چالیشسا یاخین گله‌جکده باش ناظر و پرزیدنت پوستونا دا ادعا ائده بیلر»، - دئیه اکسپرت قید ائدیب.

خاتیرلاداق کی، دونن گورجوستاندا یئرلی اؤزونو ایدارئتمه اورقانلارینا کئچیریلن سس وئرمه‌ده کاخا کالادزه ۵۱.۰۶ فایز سس توپلایاراق تیفلی‌سین مئری سئچیلیب.

ک. کالادزه تبیلیسی و کیئوین «دینامو»، ایتالییانین میلان و جئنوا کوماندالاریندا مدافعه‌چی مؤوقعینده اویناییب. او، اؤلکه‌نین ان یاخشی فوتبولچولاریندان بیری ساییلیر، ایکی دفعه چئمپیونلار لیگاسینین قالیبی اولوب. سیاسی کاریراسینا گورجو آرزوسو پارتییاسیندا باشلایان ک. کالادزه ۲۰۱۲-جی ایلده انرژی ناظری تعیین اولونموشدو.