ارمنیستان‌دا فعالیت گؤسترن تایمز. آذ سایتی آذربایجان اوردوسونا و "یئنی موساوات" مئدیا قروپونا قارشی تخریباتا ال آتیب.

موساوات. کوم خبر وئریر کی، ارمنی سایتینین بوگونکو بوراخیلیشیندا "آذربایجان حربچیسی گورجوستانا قاچیب" باشلیقلی یازی یئرلشدیریلیب. یازیدا مئدیا قروپوموزا داخیل اولان روسدیللی مینوال. آذ سایتینا "ایستینادا" گؤستریلیر کی، آذربایجانلی ظابط واله قارایئو فراریلیک ائتمه‌یه مجبور اولوب، چونکی او، یا ارمنی گوله سیندن اؤلجکمیش، یا دا مسئولیته جلب اولوناجاقمیش.

ارمنی سایتی همین ماتریالین مینوال. آذ سایتیندا گئتدیینی "ثبوت ائد‌ن" کوللاژ دا حاضرلاییب.

آنجاق مینوال. آذ سایتینین رهبرلیگی بیلدیریر کی، نه گؤستریلن تاریخده، نه اوندان اول، نه ده اوندان سونرا سایتدا بئله بیر ماتریال یئرلشدیریلمه‌ییب.

مدافعه ناظیرلیینین مطبوعات خیدمتیندن ایسه بیلدیریرلر کی، "سلاحلی قوه‌لریمیزده واله قارایئو آد و سویادلی نه ظابط، نه گیزیر، نه ده مولکی ایشچی بئله یوخدور".

مدافعه ناظیرلیینیندن بئله بیر ماتریالین هانسیسا آذربایجان سایتیندا درج اولونمادیغینی بیلدیکلرینی، بونون نؤوبتی تخریبات اولدوغونو قید ائدیبلر.

مینوال. آذ سایتینین رهبرلیگی ارمنیستان ژورنالیستیکاسینا مراجعت ائد‌رک، ژورنالیستیکا ائتیکاسینی اونوتماماغی و مینوال. آذ-این آدیندان دئزینفورماسییا یایماماغی توصیه ائدیب.

بوندان باشقا، معلوم اولوب کی، ارمنی سایتلاری روس دیلینده خبرلر یایان وستی. آذ سایتینا قارشی دا بنزر "فندلر"دن ایستیفاده ائد‌رک، بو سایتین آذربایجانلی حربچینین کند آداملاری طرفیندن ازیشدیریلدیینی یازدیغی یازیبلار و یئنه ده سؤزلرینین ثبوتو اولاراق "کوللاژ" دوزلدیبلر. وستی. آذ سایتینین رهبرلیگی خصوصی آچیقلامایا یایاراق سایتدا بئله بیر ماتریالین گتمدیینی، ارمنیلرین دزینفورماسییا یایدیغینی بیلدیریب.