ایستانبولون بشیکتاش محله‌سینده مترو تیکینتیسی اوچون آپاریلان قازینتیلار زامانی ۳۵۰۰ ایل تاریخه مالیک تورک و آلتای مدنیتلرینه عایید ۳۵ کورقان تیپلی مزار آشکارلانیب.

آخار. آذ خبر وئریر کی، بو باره‌ده «حریت» اینفورماسییا یاییب.

معلوماتا گؤره، ایستانبولدا یئرلشه‌ن «بارباروس» بولواری یاخینلیغیندا تاپیلان قالیقلار ایستانبولون تاریخینی دییشه بیله‌جک اینفورماسییالاری اورتایا چیخاریب. حاضردا ایستانبولدا تاپیلان ان قدیم مزارلیقدا قازینتی ایشلری داوام ائتدیریلیر. شیمالی قارا دنیز مدنیتینه عایید اولان قالیقلارین تاپیلماسی علم آداملارینین هیجانینا سبب اولوب.

بشیکتاشدا گئدن آرخیولوژی قازینتیلارین نتیجه‌لری تورکلرین آنادولویا گیریشینی ۱۰۷۱-جی ایلده مالازگیرد دؤیوشونه باغلایان تاریخی معلوماتین دقیقلیینی سوال آلتیندا قویوب. ایلکین پروقنوزلارا اساساً، مزارلارین تونج دؤورونون سونو و دمیر دؤورونون ایلک مرحله‌سینه (ائ.ا ۱۲۰۰-۱۵۰۰) عایید اولدوغو بیلیدیریلیر.