روسییادا گلن ایل کئچیریله‌جک پرزیدنت سئچکیلرینده سس وئرجیینی آچیقلایان سئچیجیلرین تخمیناً ۵۳ فایزی ولادیمیر پوتینی یئنیدن پرزیدنت پوستوندا گؤرمک ایستییر.

آخار. آذ خبر وئریر کی، «لئوادا» آنالیتیک مرکزی روسییادا سئچیجیلر آراسیندا سورغو کئچیریب.

رسپوندنتلرین تخمیناً ۶۹ فایزی سئچکیلرده ایشتیراک ائتمک ایستدیینی، ۲۶ فایزی ایسه عکسینی بیلدیریب. سئچیجیلرین بؤیوک اکثریتی ولادیمیر پوتینی اؤلکه باشچیسی کیمی گؤرمکدن ممنونلوغونو ایفاده ائدیب. ۲ فایز سئچیجی ولادیمیر ژیرینووسکییه، ۲ فایز سئچیجی گنادی زوقانووا، ۲ فایز سئچیجی موخالیف آلکسی ناوالنییا، داها ۱ فایز سئچیجی ایسه مدافعه ناظری سرگی شویگویا سس وئرمه‌یه حاضر اولدوغونو بیلدیریب.

قید ائدک کی، روسییادا پرزیدنت سئچکیلری ۲۰۱۸-جی ایل مارتین ۱۸-ده کئچیریله‌جک.