بو گون باکی متروپولیتئیننین «اولدوز» و «نریمانوو» ایستانسییالاری آراسین‌داکی تونئلده باش وئرن دهشتلی قزادان ۲۲ ایل اؤتور.

آخار. آذ خبر وئریر، ۱۹۹۵-جی ایل اوکتیابرین ۲۸-ی ایکی ایستانسییا آراسینداکی تونل‌ده قطارین آلیشماسی نتیجه‌سینده ۲۸۹ نفر هلاک اولوب، ۲۷۰ نفر یارالانیب. هلاک اولانلاردان ۱۲۶-سی قادین، ۲۸- اوشاق، ۳-او ایسه خیلاص ائدیجی اولوب.

معلوماتا گؤره، تلفاتین بؤیوک اولماسی قطارین تونل‌ده آلیشماسی و خیلاص ائتمه عملیاتینین یئترسیزلیگی ایله باغلی ایدی. ائله قزانین اساس سببی کیمی ده کهنه آوادانلیقلارلا تجهیز اولونموش قطارین ناسازلیغی، هابئله ماشینیستین سهو قرار وئرمه‌سی گؤستریلیر. همین دؤورده باش ناظرین معاوینی وظیفه‌سینده چالیشان عباس عباسوو مطبوعاتا آچیقلاماسیندا قزانین صرف تکنیکی سببدن – آوادانلیغین کهنلمه‌سی اوجباتیندان باش وئردیینی بیل‌دیره‌رک، فاکتی تصدیقله‌ییب. اوزون مدت مسئله نی آراشدیران ایستینتاق قروپو دا قزانین صرف سهلنکارلیقدان باش وئردیینی آچیقلانیب. بئله‌لیکله، حادثه‌ده ترور عملی آشکارلانماییب و او، تکنیکی قزا کیمی قیمتلندیریلیب.

حادثه زامانی ماشینیست قطاری تونلده ساخلاییب، اینسانلار ایسه تشویش ایچینده واگنلاردان چیخیب قاچماغا باشلاییبلار. هاواچکمه سیستئمی پیس اولدوغوندان تونلده‌کیلر هاوا چاتیشمازلیغیندان و آیاق آلتیندا قالاراق اؤلوبلر. آپاریلان آراشدیرما نتیجه‌سینده ماشینیستین قطاری تونل‌ده ساخلاماق قراری سهو ساییلمیشدی. تهلوکه‌سیزلیک قایدالارینا رعایت ائدیلمه‌مکده گوناهلاندیریلان قطارین ماشینیستی و دیسپتچری ۱۰ ایل مدتینه آزادلیقدان محروم ائدیلیب.

پرزیدنت حیدر علیئوین سرانجامی ایله اؤلکه‌ده ۳ گون ماتم اعلان ائدیلمیش؛ قزادا هلاک اولانلارین دؤولت حسابینا دفن اولونماسی و عائله‌لرینه بیر میلیون ماناتلیق یاردیم وئریلمه‌سی تعمین اولونموشدو.

قید ائدک کی، بو قزا «گیننسین رئکوردلار کیتابی» رئداکسییاسینی ان دهشتلی مترو قزالاری سیاهیسینا یئنیدن باخماغا وادار ائتدی و «بیرینجیلیک» آذربایجانا کئچدی. دونیا اؤلکه‌لرینده‌کی هئچ بیر متروپولیتنده ایندیدک بو قدر گنیش میقیاسلی ایتکی ایله نتیجه‌لنه‌ن قزا اولمادیغینا گؤره، باکی متروسونداکی ۲۸ اوکتیابر قزاسی «گیننسین رکوردلار کیتابی»نا دوشموشدور.