روسییالی موخالیف بلوگر آلئکسئی ناوالنینین تشکیل ائتدیی میتینگه گئتمه‌مه‌لری اوچون شاگیردلرینه مصلحت وئره‌ن معلم ایشده‌ن قووولوب.

آخار. آذ خبر وئریر کی، بونو ژورنالیست لره آچیقلاماسیندا ایوانووو شهر آدمینیستراسییاسینین رئیسی یلئنا یئفئرووا سؤیله‌ییب. او، قووولان معلمین ایوانووو شهرینین ۱۴ نؤمره‌لی مکتبینده چالیشدیغینی سؤیله‌ییب. یئفرووا معلمین بو جور صحبتلر آپارماسینین "تحصیل حاقیندا" قانونون پوزولماسی اولدوغونو بیلدیریب.

قئید ائدک کی، بوندان اؤنجه سوسیال شبکه‌لرده طلبه‌لرینه ناوالنینین میتینگینده ایشتیراک ائتمه‌مه‌لرینی مصلحت وئره‌ن معلمین گؤرونتولری یاییلیب. معلم اؤلکه‌ده سئچکینی و موخالیفتی اویونجاق و ناغیل آدلاندیرمیشدی. او، شاگیردلرینین مکتب‌ده قالمالی اولدوغونو سؤیلمیشدی.