تورکییه‌نین باش ناظری بینعلی ییلدیریم آمریکانین قدسو ایسرایلین پایتاختی اولاراق تانییاجاغی باره‌ده سسلندیریله‌ن فیکیرلره مناسیبت بیلدیریب.

آخار. آذ خبر وئریر کی، باش ناظر آمریکا سفیرلیینین تئل-اویودن قودسه کؤچورولمه‌سی و شهرین پایتاخت اولاراق تانینماسی ایله باغلی ایسته‌نیلن قرارین غیری-قانونی اولدوغونو دئییب.

«آمریکا پرزیدنتینین بئله بیر آچیقلاما وئرمه‌مه‌سی هم بؤلگه‌نین گلجیی، هم ده بین الخالق صولحون قورونماسی باخیمیندان حیاتی اؤنمه صاحبدیر. بئله بیر قرارین سبب اولاجاغی نتیجه‌لر جناب پرزیدنت رجب طایییب اردوغان طرفیندن آچیق شکیلده ایفاده ائدیلمیشدیر. بیلدیینیز کیمی، قودس ۳ بؤیوک دینین مقدس مکانیدیر. بونا گؤره ده دوشونولمدن وئریلمیش هر هانسی بیر قرار هم اوزون مدتدیر ایسرایل و فیلیسطین آراسیندا داوام ائد‌ن و هله ده حلینی تاپمامیش فیلیسطین دؤولتینین قورولماسی پلانلارینی محو ائتمیش اولاجاق، هم ده دینلر آراسیندا یئنی بیر قارشیدورمایا سبب اولاجاقدیر»، - ییلدیریم دئییب.

قید ائدک کی، آمریکا پرزیدنتینین بو گون قودسله باغلی آچیقلاما وئرجیی گؤزلنیلیر.