آمریکا پرزیدنتی دونالد ترامپین قودس قرارینین آرخاسیندا سئچکی کامپانییاسی زامانی یهودی لوببی‌سینین دستیی دایانیر.

آخار. آذ خبر وئریر کی، بو باره‌ده «نیو یورک تایمز» یازیب.

معلوماتا گؤره، ترامپ هله پرزیدنت کورسوسونه ایلشمزدن اول آمئریکالی مشهور قومارخانالار شبکه‌سینین صاحبی شئلدون آدلسونا قودسو ایسرایلین پایتاختی اولاراق تانیما سؤزو وئریب. شئلدون ایسه ترامپین بو وعدینی آمئریکا صیونیست تشکیلاتینین رهبری مورتون کلئینه چاتدیریب.

نشر شئلدون آدئلسونون ترامپین سئچکی کامپانییاسینا ۲۰ میلیون دوللار باغیشلادیغینی بیلدیریب. دیگر منبع‌لره گؤره ایسه شئلدون همچینین هیللاری کلینتونا قارشی یؤنه‌له‌ن تبلیغات کامپانییالارینا دا ۲۵ میلیون دوللار پول آییریب.

۲۰۱۶-جی ایلین مارت آییندا آمریکانین ان گوجلو لوببی‌چیلیک قروپو حساب اولونان آمریکا ایجتیمایتله علاقه‌لر تشکیلاتیندا چیخیشی زامانی دونالد ترامپ «آمئریکا سفیرلیینی یهودی خالقینین ابدی پایتاختی قودسه داشییاجاغیق»، - دئییب.

آمریکا پرزیدنتی دونالد ترامپا یهودی لوببی‌سی ایله یاناشی، اؤلکه‌ده‌کی ائوانگلیست خریستیان قروپلاری دا تضییق گؤستریب. چونکی ائوانگلیست خریستیانلار مسیحین گئری دؤنمه‌سی اوچون قودسون ایسرایلین حاکمیتی آلتیندا اولماسینا اینانیرلار.

ترامپا تأثیر ائد‌نلر سیراسیندا خصوصیله ویتسه-پرزیدنتی مایکل پنسین ده آدی کئچیر.

قئید ائدک کی، آدئلسون حاضردا رسمی اولاراق دونیانین ان وارلی یهودیسی حساب ائدیلیر. ۲۰۱۴-جو ایلده اونون ثروتی ۳۸ میلیارد دوللار تشکیل ائدیب. آدئلسون رئسپوبلیکاچیلار پارتییاسینین دایمی اولاراق ان بؤیوک دونورلاریندان بیری‌دیر. او، همچینین، بوشون عراق سیاستینه و ایشغالینا وئردیی دستیی ایله تانینیر.

آدلسونون آتاسی اصلا لیتوادان، آناسی ایسه اوکراینادان اولان یهودی‌دیر.