رضا زرراب حاقین‌دا باشلادیلان جاسوسلوق ایستینتاقی چرچیوه‌سینده ساخلانیلان ایش آدامینین باجی‌سینین حیات یولداشی، ناب هولدینقین ایداره هئیتینین صدری بهرام ارومی سربست بوراخیلیب.

آخار. آذ "حابئرتورک"ا ایستینادلا خبر وئریر کی، سربست بوراخیلانلار آراسین‌دا هولدینقین ایداره هئیتینین عضوو نادر ارومی ایله برابر، ۱۴ نفر یئر آلیر.

قئید ائدک کی، بیر مدت اول اصلا آذربایجان‌لی میلیاردر، آمریکادا محاکیمه ائدیلن رضا ضرابین تورکییه‌ده‌کی املاکینا حبس قویولوب. املاکلارینا حبس قویولانلار سیراسیندا ضرابین ۲۳ قوهومونون آدی قئید اولونوب. بو شخصلر سیراسیندا ناب هولدینقین کیچیک سهمداری و ایداره هئیتینین عضوو اومید ارومینین ده آدی یئر آلیب. کئچن شنبه گونو ایسه سارییر کیرئچبورنوندا یئرلشن هولدینق مرکزینده آختاریشلار آپاریلیب و بونون دا نتیجه‌سینده هولدینقین ۱۴ ایشچیسی پولیس طرفیندن ساخلانیلیب.

اؤتن گون ایسه ایستانبول پروکورورلوغو اونلاری ضراب اولاییندا شوبهه‌لیلر سیاهیسیندان چیخاریب.