قودس یهودیلر اوچون نئجه اؤنملیدیرسه، شوشا دا بیزیم اوچون ائله اؤنملیدیر.

آخار. آذ خبر وئریر کی، بو سؤزلری سیاسی علملر اوزره فلسفه دوکتورو زائور علیئو قئید ائدیب. او بیلدیریب کی، فیلیسطینلیلر ارمنیلره نئجه دستک اولورسا، بیز ده یهودیلره ائله دستک اولمالیییق:

«بونون اوچون توتارلی سببلر ده وار. بیرینجیسی، فیلیسطین ۱-جی دونیا محاربه‌سینده حیمایه داری عثمانلییا آرخادان ضربه ووردو. دیگر طرفدن، قاراباغ محاربه‌سینده هئچ بیر فیلیسطینلی آذربایجانا یاردیم ائتمدی. عکسینه، موزدلو اولاراق ارمنیستان طرفدن آذربایجانا قارشی دؤیوشدوکلری رسمی اولاراق ثبوت اولونوب و بونونلا باغلی سندلر ده وار. حتی فیلیسطینین سابیق لیدری یاسر عرفات قاراباغ محاربه‌سی عرفه‌سینده «ارمنیلر ده فیلیسطین خالقی کیمی حاقی تاپدالانمیش میللتدیر! من ارمنیستانی دستکلییرم» - دئمکله سیاسی باخیشینی گؤسترمیشدی. بوندان باشقا، فیلیسطین لیدری محمود عباسین آچیق-آیدین «بؤیوک ارمنیستان»ی تانیدیغینی بیان ائتمه‌سی ده معلومدور. آسالا رهبری آکوپیان فیلیسطین آزادلیق تشکیلاتینین فعال عضولریندن اولوب و فتح آسالا-نین بیر قولونو مالیلشدیریب».

ز.علیئو وورغولاییب کی، آذربایجان اوردوسونو معاصر سلاحلارلا تعمین ائد‌ن اؤلکه محض ایسرایلدیر:

«آذربایجان لوببی‌سینی یارادانلار دا ایسرایلدن اولان یهودیلردیر. قوبا سویقریمی زامانی ارمنیلرین قتل اتدیکلری ایچریسینده اولان یهودیلر آذربایجانلیلارلا دوستلوق ائد‌نلر ایدی. فاکتیکی اولاراق ایسرایل دایما آذربایجانا دوستلوق موناسیبتی گؤستریب».

قید ائدک کی، ترامپ ایکی گون اؤنجه قودسو ایسرایلین پایتختی اولاراق تانیدیغینی آچیقلاییب.