میخایل سااکاشویلی پلیس طرفیندن ساخلانیلیب.

آخار. آذ خبر وئریر کی، بونو اوکراینانین باش پروکورورو یوری لوچنکو فیسبوک حسابیندا یازیب.

«قرارا اساساً، کیئوین اوترادنایا قصبه‌سینده سااکاشویلینین یئری معین ائدیلیب و او، پلیس امکداشلاری طرفیندن ساخلانیلیب. سااکاشویلی موقتی تجریدخانادا یئرلشدیریلیب»، - لوچئنکو بیلدیریب.

***

«۱۱۲ اوکراینا» کانالینا آچیقلاماسیندا باش پروکورورلوغون مطبوعات کاتیبی لاریسا سارقان سااکاشویلینین حبسی ایله باغلی اونون وکیللرینه معلومات وئریلدیینی بیلدیریب.

آذربایجانین اوکرایناداکی دیاسپور فعالی حیکمت جوادوو ایسه سااکاشویلی طرفدارلارینین لیدرلرینین ساخلانیلدیغی تجریدخانایا دوغرو گئتدیینی بیلدیریب.

***

سااکاشویلینین وکیلی پاوئل بوقومازوو بیلدیریب کی. مدافعه طرفی آرتیق سیاستچینین ساخلانیلدیغی تجریدخانادادیر.

وکیلین سؤزلرینه گؤره، محکمه ۷۲ ساعت مدتینده قرار چیخارا بیلر:

«اما حاضردا بیزیم الیمیزده هئچ بیر سند یوخدور، اونا گؤره نسه دئمک تئزدیر».