مولدووا حکومتی اؤلکه‌نین دولت دیلینی «رومین دیلی» آدلاندیرماقلا ایجتیمایتی پارچالاییر.

آخار. آذ خبر وئریر کی، بو سؤزلری اؤز فیسبوک صحیفه‌سینده مولدووا پرزیدنتی ایگور دودون پایلاشیب.

«من خالقین پارچالانماسی جهدیندن و کونستیتوسییانین کوبود شکیلده پوزولماسیندان ناراحاتام. حکومتین بو آددیمینین آغیر نتیجه‌لری اولاجاق. بو مسئله‌لر رفرندوم‌دا حل ائدیلمه‌لیدیر. مولدووا اهالیسینین بؤیوک اکثریتی رومین یوخ، مولدووان دیلینده دانیشیرلار. من هر شئیی ائد‌ه‌م کی، اؤز دیلیمیز، تاریخیمیز، مدنیتیمیزی قورویاق. اینسانلار کوتلوی شکیلده اؤزلرینین سئچدیی پرزیدنتله کوچه‌لره چیخاجاقلار»، – دئیه او بیلدیریب.

قئید ائدک کی، بوندان اؤنجه مولدووا حکومتی کونستیتوسییا دییشیکلیگی تصدیقله‌ییب. بو قرارا اساساً، بوندان سونرا دؤولت دیلی رومین دیلی آدلاناجاق.

اس اس ار ای ایشغالینا قدر اولان دؤور عرضینده مولدووا رومینییانین بیر پارچاسی اولوب. اس اس ار ای داغیلدیقدان سونرا پارچالانمیش خالق نه قدر بیر آرایا گلمک ایسته‌سه ده، بونا موفق اولا بیلمه‌ییب. ایکی دؤولتین بیرلشمه‌سینه اساس مانعه مولدوواداکی روسیایؤنلو اهالینین رومینییانی اؤزونه یاخین بیلمه‌مه‌سی و اؤلکه‌ده‌کی روسییا تبلیغاتی اولوب.