آلمانییانین دوسلدورف هاوا لیمانیندا تورکییه‌دن گلن سرنیشینلرین یوکلرینین پولیس ایتلری ایله یوخلانیلماسی یوک صاحبلرینی ناراحات ائدیب.

آخار. آذ خبر وئریر کی، بو باره‌ده تورکییه‌نین ایسپوتنیک آگنتلیگی یازیب. معلوماتا گؤره، هاوا لیمانین‌دا بیر سرنیشین طرفیندن لئنته آلینان گؤرونتولردن سونرا سوسیال شبکه‌ده اهالی آلمانییایا قارشی اعتراض ائدیب.

تورکییه میللت وکیلی مصطفی یئنروغلو، «نه قوناقلار، نه ده وطنداشلار قارشیلانار. بو زوراکیلیق آلمانییا اوچون اوتاندیریجیدیر و درحال لغو ائدیلمه‌لیدیر. تورکییه-آلمانییا موناسیبتلری بو گئدیشله نورمالا دؤنمه‌یه‌جک. بو تدبیرلر گووه‌ن یاراتمادیغی کیمی گووه‌ن‌سیزلیگی ده عمله گتیریر" دئیه قید ائدیب.

قید ائدک کی، تورکییه‌دن گلن سرنیشینلرین پولیس ایتلری ایله یوخلانماسی بیر مدت اول مونحن هاوا لیمانیندا دا قیده آلینمیشدی. تورکییه ده اؤز نؤوبه‌سینده بونا قارشیلیق اولاراق، آلمانییادان گلن سرنیشینلری عینی قایدا ایله یوخلامیشدی.