تورکییه تهلوکه‌سیزلیک اورگانلاری ۲۰۱۵-جی ایلین ماییندا فئتؤ عضوو خلیل قاراقوچدان اؤلکه‌دن قاچیرماغا چالیشارکن مصادیره اولونان سرت دیسکلرین (هارد دیسک) شیفره‌لرینی قیریب.

آخار. آذ خبر وئریر کی، ۷ مرحله‌لی شیفره‌نی قیرماق اوچون ۲ ایل واخت طلب اولونوب.

دیسکلرده فتوللاه گوله‌نین وئردیی ۲۲۷ تعلیمات یئر آلیب. اؤزونو «بانک آسییا»نین صاحبی اولاراق آدلاندیران گولن ایدمان، سیاست، اینجه صنعت و مطبوعات ساحه‌سینده اولان بیر چوخ شخص باره‌ده فیکیرلرینی ایفاده ائدیب.

دؤولت باخچالی

«دؤولت باخچالی مونافیق آدامدیر. رببیمیزین لطفو اولماسا، بیزی بیر قاشیق سودا بوغار».

مسعود ییلماز

«مسعود ییلماز آخماق آدامدیر. هئچ کمکی دیمدی. مکتبلره صاحب چیخمادی. ادبی آز اولان بیری ایدی».

سلیمان دمیرله آلداندیق

«سلیمان دمیرل هر اهلی-ایمانا صمیمی اولاراق داورانمادی. علوی، شجره‌سی دوزگون اولمایان گنراللاری سیاهیلارلا اونا تقدیم ائتدیک. تأسف کی، «سن قاریشما، اوردویا موداخیله ائتمه» دئدی. دمیرل بیزه همیشه پیس داوراندی. بیز ده ایناندیق و آلداندیق».

بولنت اجویت

«بولنت اجویت بی منه گؤره چوخ تضییقله اوزلشدی. چوخ آرخامدا دایاندی و بونو حیاتی ایله اؤد‌دی».

ژورنالیست-یازار نجیب هابلمیت اوغلو

«هابلمیت اوغلو اؤلدورولدو. خیدمتیمیزین دوشمنی ایدی. حیاتدا اولارکن کاناللاری دولاشیب علیهیمیزه دانیشیردی. بیر گون علیهیمیزه کیتاب یازیب دئدی کی، ۱۰ میلیون وئرمه‌سنیز، بونو نشر ائتدیره‌جم».