آمریکا تورکییه‌یه ساتدیغی بومبالارین گوجونو آزالدیر.

آخار. آذ خبر وئریر کی، بو ادعا ایله تورکییه‌نین «سؤزجو» قزئتی چیخیش ائدیب. قزئت بو ادعانی تورکییه ژاندارما کوماندانلیغیندا چالیشان و اؤلکه‌نین جنوب-شرقینده خیدمت ائد‌ن یوکسک روتبه‌لی ظابطه ایستینادا یاییب.

«تأسف کی، طیاره‌لریمیزین آتدیغی بومبالار ساختادیر. سون بیر آیدا وان، شیرناک، بیتلیس بؤلگه‌لرینده ایکی حادثه یاشاندی. ۷ نفرلیک ترورچو قروپا اوچ بومبا آتیلدی. بومبا ۲۵-۳۰ مئتر یاخینلارینا دوشمه‌سینه رغما، آرالاریندان بیر ترورچو یارالی اولاراق جانینی قورتاردی. دیگر اینسیدنت‌ده ایسه بومبا آغاج آلتیندا اوتوران ایکی ترورچویا آتیلدی. ترورچولارین ۸ مترلیینه دوشن بومبادان سونرا اونلارین بورنو بئله قانامادی. نورمالدا ایسه بومبا ۳۰۰ متر مسافه‌ده‌کی هر شئیی محو ائتمه‌لیدیر. بومبالاری ایستحصال ائد‌ن آمریکا شیرکتیدیر. بو سورساتلا خاریجده باشلایاجاغیمیز ساواشدا نئجه دؤیوشجییک؟ اوردوموز ایچی بوش بومبالارلا مقصدلی شکیلده بیر ساواشا دوغرو سوروکلنیر. بو پلان محمتچیک اوچون قتل عام پلانیدیر»، - مقاله‌ده ادعا ائدیلیب.