شیمالی کورئیا آمریکا دؤولت کاتیبی رکس تیلرسونون نووه پروگرامیندان ایمتینا ایله باغلی تکلیفینی رد ائدیب.

آخار. آذ خبر وئریر کی، بو باره‌ده شیمالی کورئیانین رسمی مطبوع اورگانی «رودونق سینمون» معلومات یاییب.

قزئت پیونگ یانگین نووه سلاحی پروگرامینی داوام ائتدیرجیینی یازیب:

«واشینگتن بیزی دانیشیقلار ماساسینا گتیرمک ایسته‌مه‌سینی نماییش ائتدیرمکله کورئیا یاریماداسیندا یاراتدیغی بحرانین مسئولیتیندن بویون قاچیرماغا چالیشیر. آمریکانین دوشمن موناسیبتی دییشمدیکجه بیز مسئله ایله باغلی هئچ بیر موذاکیره‌یه قاتیلمایاجاغیق».

قید ائدک کی، آمریکا دؤولت کاتیبی رکس تیلرسون بیر قدر اول شیمالی کورئیانی نووه سلاحیندان ایمتینا مؤوضوسوندا موذاکیره‌لره دعوت ائتمیشدی.