پاکیستان باش ناظری شاهید هاکان عباسی بو گون آمئریکا پرزیدنتی دونالد ترامپین تنقیدلرینه جاواب اولاراق حکومتین تعجیلی ایجلاسینی کئچیره‌جک.

آخار. آذ خبر وئریر کی، حکومتین ایجلاسی ایله برابر میللی تهلوکه‌سیزلیک کومیته‌سی ده توپلاناجاق.

خاریجی ایشلر ناظرلیگی ایسه آرتیق بو گون آمئریکا سفیری دیوید خئیلییه خاریجی ایشلر ناظری خوجا محمد آسیفین اعتراض مکتوبونو تقدیم ائدیب. مکتوبدا واشینگتونون افقانیستانداکی اوغورسوزلوقلارینین سببینین ایسلام اباد اولمادیغی بیلدیریلیب:

«آمئریکا اؤز آداملارینی افقانیستانداکی اوغورسوزلوغا گؤره مسئولیته جلب ائتمه‌لی‌دیر. واشینگتون طرفین‌دن ائدیله‌ن بوتون اؤدنیشلر لازیمی شکیلده خرجلنیب. پاکیستان بونو اجتماعی شکیلده ثبوت ائتمه‌یه حاضردیر».

قئید ائدک کی، دونه‌ن آمئریکا پرزیدنتی دونالد ترامپ پاکیستانین ترورچولارلا موباریزه اوچون مالییه یاردیمی آلماغینا باخمایاراق، اؤز اراضیسینده ده ترورچو ساخلادیغینی بیلدیریب. بونونلا او، پاکیستانی تروریزمه دستک وئرمک‌ده اتهام ائدیر.