بؤیوک آیت اللاه سید محمد کاظیم شریعتمداری گؤرکملی ایسلام عالیمی، مرجع تقلید اولموشدور.

کولت. آذ خبر وئریر کی، بؤیوک آیت اللاه مرجع تقلید سید محمد کاظیم شریعتمداری ۱۹۰۵-جی ایلده قاجارلار خاندانلیغینین آذربایجان ویلایتینین پایتختی تبریز شهرینده آنادان اولوب. ایلک تحصیلینی تبریزده دینی علملر ساحه‌سینده آلیر.تحصیلینی باشا ووردوقدان سونرا ۲ ایل آیت اللاه آغا میرزا صادیق تبریزی و آیت اللاه آغا میرزه ابولحسن انگجینین "خاریجی فیقه" درسلرینده ایشتیراک ائدیر.

۱۹۱۵-جی ایلده تحصیلینی داوام ائتدیرمک مقصدیله قوم شهرینه کؤچور و اوردا آیت اللاه عبدولکریم حائری یزدینین درسلرینده ایشتیراک ائدیر. ۱۹۲۱-جی ایلده ایسلام علمینه داها دریندن ییه‌له‌نمک اوچون نجف حؤزه‌سینه گئدیر و ۷ ایل اورادا علم اؤیرنیر.

کاظیم شریعتمداری چوخ گنج یاشلاریندان اوستادلیق باجاریغینی نوماییش ائتدیریر و ۱۸ یاشیندان معلملیک ائتمه‌یه باشلاییر.

فیطری-ایستعدادا مالیک کاظیم شریعتمدارییه ۱۹ یاشیندا آیتوللاه روتبه‌سی وئریلیر و یالنیز ۲۲ یاشیندا تبریز شهرینه قاییدیر.

شریعتمداری معلملری آیت وللاه عبدولکریم حائری یزدی و بؤیوک آیت اللاه، سونونجو مرجع-مطلق (یعنی، بوتون آیت اللاهلار طرفیندن قبول اولونان) حسین بوروجردی کیمی دینین سیاسته قاریشماسینا قارشی ایدی. اونون بو مسئله‌ده شاها قارشی چیخیشلاری ایله سئچیلن روح الله خمینی ایله جدی فیکیر آیریلیغی واردی.

۱۹۶۱-جی ایلده حسین بوروجردینین اؤلمه‌سیندن سونرا شریعتمداری شیعه عالمینین ان نفوذلو دینی خادیمی کیمی قبول اولونور. او، قوم حوزه‌سی دینی سمینارییاسینین رهبری سئچیلیر.

دینی آزادلیق و آذربایجان‌لیلارین حقوقلاری مسئله‌سین‌ده شاه رئژیمی ایله جدی فیکیر آیریلیغی اولان شریتمداری، شاهین فارس میللت‌چیلیگی سیاستینه قارشی چیخدیغی اوچون ۱۹۷۸-جی ایلده شاه خصوصی خیدمت اورقانلاری طرفیندن اوفسیسی داغیلدیلیر و طلبه‌لری قتله یئتیریلیر. بوندان سونرا شریعتمداری شاه رژیمینین علیهینه فتوا وئریر.

بؤیوک آیت الله شریتمداری ۱۹۷۹-جو ایلده شاه رژیمینین دئوریلمه‌سیندن سونرا فرانساندان ایرانا قاییدان روح الله خمینی یه معتدیل سیاست یوروتمک نصیحتی وئریر . او، خومینی نین دینی دؤولت (ویلایتی فقیه) نظریه‌سینی تنقید ائدیر و دینی دؤولت یاناشماسینین شیعه‌لیکده هئچ بیر علمی اساسینین اولمادیغینی بیلدیریر.

خمینی نین فوندامنتالیست یاناشماسیندان ناراحات اولان شریعتمداری طرفدارلاری ۱۹۷۹-جو ایلده موسلمان خلق پارتییاسی یارادیرلار. بو پارتییا شریتمدارینین دستییله یارانیر.

تئزلیکله شریعتمداری ایله روح الله خومینی آراسیندا فیکیر آیریلیغی آچیق قارشیدورمایا چئوریلیر. شریعتمداری ایران‌دا دینی دؤولت قورولماسینی نظرده توتان کونستیتوسییا لاییحه‌سینی رد ائدیر . خمینی نین امری ایله ، ۱۹۷۹-جو ایلین دکابر آییندا شریعتمدارینی ائو دوستاغینا محکوم اولونور و موسلمان خالق رسپوبلیکاسی پارتییاسی لغو ائدیلیر.

خصوصی خیدمت اورگانلارینین نظارتینه گؤتورولن بؤیوک آیت الله شریعتمداری عؤمرونون سون گونلرینه قدر حبسده ساخلانیلیر.

۱۹۸۲-جی ایلده ایران تلویزییاسی کئچمیش خاریجی ایشلر ناظری صادیق قطب زادنین اعترافلارینی یایینلاییر. همین اعترافلاردا قطب‌زاده شریعتمدارینین تاپشیریغی ایله خومینییه سوء-قصد حاضیرلادیغینی بیلدیریردی. بو اعترافدان آز سونرا شریتمدارینین اعدامی گونده‌مه گلیر. لاکین امام خومئینی اونون اعدام اولونماسینا راضی اولمور و مجتهیدلرین اعدام ائدیلمیجیینی آچیقلاییر.