آمریکا شیمالی کورئیانین نووه پروگرامینین دایاندیریلماسی باره‌ده دانیشیقلار آپارماق اوچون مرحله‌لی یاناشما مؤوقعین‌دن چیخیش ائد‌جک.

آخار. آذ خبر وئریر کی، بو باره‌ده آمریکانین بیرلشمیش میلتلر تشکیاتینداکی دایمی نماینده‌سی نیکی هیلی دانیشیب.

«دوشونوره‌م کی، نووه سیناقلارینین دایاندیریلماسی داها واجیبدیر و اهمیتلی بیر زامان مدتینه حسابلانیب. داها سونرا ایسه نؤوبتی مرحله اوچون حرکته باشلاماق لازیمدیر. پروسئس مرحله‌لری اولاجاق. بو جور شئیلر بیر گئجه‌ده باش وئرمیر، لاکین وضعیت چوخ تهلوکه‌لی‌دیر. شیمالی کورئیایا خاطیرلاتماق ایستییریک کی، اونلاری یئر اوزوندن سیله بیلریک»، - هیلی دئییب.

هیلی همچینین آمریکا پرزیدنتی دونالد ترامپین موذاکیره‌لر باره‌ده دانیشماسینین مؤقع دییشیکلیگی اولمادیغینی، ساده‌جه، عمومی کاراکتر داشیدیغینی بیلدیریب.

قید ائدک کی، شیمالی کورئیا بیرلشمیش میلتلر تشکیاتی تهلوکه‌سیزلیک شوراسینین قطعنامه‌لرینه محل قویمایاراق نووه-راکت سیناقلارینا داوام ائدیب.