روسییانین تکجه اقتصادیاتی یوخ، هم ده صنایع‌سی برباد وضعیت‌ده‌دیر و یاخین گله‌جک‌ده بو وضعیتین دوزلمه احتیمالی یوخ‌دور.

آخار. آز خبر وئریر کی، بونو روسییا مطبوعاتینا آچیقلاماسین‌دا اقتصادچی دمیتری تراوین سؤیله‌ییب. اونون سؤزلرینه گؤره، اگر حکومت بون‌دان سونرا دا هئچ نیین باش وئرمدیینی گؤسترمه‌یه چالیش‌سا، او زامان اؤلکه‌نین اساس صنایعلرین‌دن بیری یوخ اولاجاق:

«روسییا اقتصادیاتی دورغونلوق دؤورونه کئچیب. ۲۰۱۷-جی ایلده اومومداخی‌لی محصولون آرتیم تئمپی ۱،۵%-ا برابردیر. بو، دونیا اقتصادیاتینین اورتا آرتیم تئمپین‌دن ایکی دفعه آزدیر. روسییا تکجه مؤقعلرینی ایتیرمه‌ییب، او، رئال اولاراق دونیادان گئری قالماغا داوام ائدیر».