کولت. آذ شاعر فایق بالابیلینین «ایلاهی، دوست دئمیشم سنه» شعیرینی تقدیم ائدیر:

ایلاهی، دوست دئمیشم،

دوست دئمیشم من سنه

الینی اوزات، یاپیش نه اولار توت، الیمدن

اتییندن توتموشام، یا دور کس اتیینی

یا دا قوی قانی دامسین اتیینه، الیمدن.

ایلاهی، سن وئردیین بویوم، بوخونوم بو جور

اوزاغیم چوخ اوزاغدی، یاخینیم دا کی،... بو جور

باخ، ائله «بو جوره‌لر» منی ایچده‌ن چورودور،

باشقا نه باجاریرسان، ده نه گلیر الیندن...

ایلاهی، بو داغی کی سن چکمیسن سینه‌یه

یاماجی کول-کوس اولار، حسرت قالار چیچه‌یه

توت ائ الیمدن منیم، قالدیر گلیم کمکه

قولاقلارین توتولسون آهیمدان، سیتمیم‌دن...

ایلاهی، من بیلیرم...

سن ده یاخشی بیلیرسن

وئردیین عذابلارا دوداق قاچیریب گولسم،

الیمین آرخاسییلا گؤزومون یاشین سیلسم،

داها نلر یازاجاق آلنیما قلمیندن.

ایلاهی، گل عفو ائله، بو دفعه کئچ سوچومدان

گؤندردیین آجیلار سوروشور قوجاغیمدان

اما یئره توخونمور، - آیاغیمدان، قیچیمدان

یاپیشیبلار، نئجه کی توتموشام اتییندن...