سون ایکی یوز ایلین ان یاخین ایکی موتتفیقی – آمریکا و بؤیوک بریتانییا موناسیبتلرینین سون زامانلار هئچ ده یاخشی اولماماسی موشاهیده ائدیلیر. هر مسئله‌ده آمریکانین یانیندا اولان اینگیلتره فیلیسطین مسئله‌سینده متفیقینی تک بوراخدی.

آخار. آذ خبر وئریر کی، بو سؤزلری پولیتولوگ احد ممدلی قید ائدیب. او بیلدیریب کی، ب بی سی-نین آمریکانین ایشید-ا سلاح وئردیی باره‌ده رئپورتاژ حاضرلاماسی تصادفی ساییلا بیلمز:

"بؤیوک بریتانییانین کرالیچاسی باش ناظرینین واسطه‌سیله ایلک دفعه آمریکا پرزیدنتینی اؤلکه‌سینه دعوت ائدیر، آنجاق بونا رغما، آمریکا پرزیدنتی بهانه ائدیب بو دعوتی قبول ائتمیر. اینگیلتره داها کئچمیش موستملکه‌سی آمریکانین دئدیی ایله اوتوروب-دورماق ایستمیر. مودریک اینگیلیس سیاستی بیرقوتبلو، گلوباللاشان دونیانین سونا چاتدیغینی، ایفلاسا اوغرادیغینی گؤرمکده‌دیر. بئله اولماسایدی، آوروپا بیرلییندن چیخمازدیلار».

پولیتولوگون سؤزلرینه گؤره، آرتیق بؤیوک بریتانییا آمئریکادان فرقلی خاریجی سیاست آپاریر:

"آمریکا و آوروپا بیرلییندن فرقلی اولاراق، بؤیوک بریتانییادا آنتی-تورکییه ایستئرییاسی او قدرده سئزیلمیر، عکسینه، اینگیلتره-تورکییه علاقه‌لرینین گئنیشله‌نمه‌سینی گؤروروک. آمریکا و آوروپا بیرلییندن فرقلی اولاراق، بؤیوک بریتانییا پ کا کا-ی پ گ-پ ی د ترورچولاری ایله مسافه ساخلاییر. یاخین گله‌جکده دونیا و رگیوندا اینگیلیس-تورک ایستراتژی متفیقلیینین داها دا گئنیشله‌نمه‌سینی موشاهیده ائدجییک".