منیم بابام عربلر اوچون چالیشماییب.

آخار. آذ خبر وئریر کی، بونو «حابرتورک» قزئتینه موصاحیبه‌سین‌ده یاخین شرقین حاضیرکی خریطه‌سینین اساس مؤلفلریندن بیری مارک سایکسین نوه‌سی مارک ریچارد سایکس سؤیله‌ییب. اونون سؤزلرینه گؤره، اینگیلیسلر عثمانلی ایمپرییاسیندان سونرا دونیوی تورکییه جمهوریتی قورولاجاغینی تخمین ائتمیردیلر:

«یاخین شرقین ایندیکی وضعیته گلمه‌سینین گوناهکاری بابام دئییل. بؤلگه‌نین بو وضعیته دوشمه‌سینین ایکی اساس گوناهکاری وار. بونلاردان بیری ایسرایل دؤولتینین قورولماسی، ایکینجیسی ایسه عربلرین هئچ بیر شئیله باغلی راضیلیق الده ائده بیلمه‌مه‌سیدیر. اونلار آرالاریندان صلاح الدین اییوبی کیمی لیدر چیخارا بیلمه‌دیلر. مودرن تاریخده اونا یاخین اولان شخصلر اولوب. بونلار سیراسیندا یاسیر عرافاتی، جمال عبدول ناصری گؤسترمک اولار، اما اونلارین هئچ بیری لیدر اولا بیلمه‌دی.

اینگیلیسلر عثمانلینین ییخیلماسینین طرفداری دئییلدیلر. اینگیلیس تاریخینه باخسانیز، ساواشدان اؤنجه عثمانلینین آیاق‌دا قالماسینی نه قدر چوخ ایستدییمیزی گؤررسینیز. عثمانلینین آلمانییانین یانیندا یئر آلماسی اینگیلتره‌نین فیکرینی دییشدیردی. منیم بابام هئچ واخت عربلرین موستقیل اولماسینی ایسته‌مه‌ییب. بیرینجی دونیا ساواشی زامانی عربلر اونو چوخ ماراقلاندیرمیردی. تک دوشوندویو شئی اینگیلیسلرین ماراقلارییدی. عربلر آراسیندا ساده‌جه ابن سعودو (عبدولعزیز السعود – سعودییه عربیستانینین ایلک کرالی – رئد.) سویردی. چوخ یاخین دوست ایدیلر. هله ده ابن سعودون باباما هدییه ائتدیی ساعتی تاخیرام. بابام عربیستان‌لی لاورنسه (توماس ائدوارد لاورئنس (اینگیلیس جاسوسو – رئد.) نیفرت ائدیردی، اونا هئچ گووه‌نمیردی. عربلرین موستقیللیینی ایسته‌یه‌ن اساس شخص بابامین دا نیفرت ائتدیی گئرترود بیلل (اینگیلیس قادین جاسوس) ایدی. لاکین بو اوچ شخصین هئچ بیری عربلر اوچون دموکراتیک گلجیی پلانلاشدیرمیردیلار».

قید ائدک کی، مارک سایکس ۲۰-جی عصرین اوللرین‌ده اینگیلتره‌نین عثمانلی‌داکی اساس جاسوسلاریندان بیری اولوب. او، ۱۹۱۶-جی ایلده تاریخه «سایکس-پیکوت راضیلاشماسی» کیمی دوشن موقاویله‌نی حاضرلاییب. سایکس ۱۹۱۹-جو ایلده پاریسده ایسپان گریپینه یولوخاراق، وفات ائدیب.