تورکییه‌ده فئتؤ اوزولویون‌ده تقسیرلی بیلینه‌رک حبس ائدیله‌ن مشهور فوتبول‌چو اوغور بورال تشکیلاتین ایجلاسلارین‌دا ایشتیراک ائتمیش فوتبول‌چولارین آدلارینی ایستینتاق اورقانلارینا آچیقلاییب.

آخار. آز خبر وئریر کی، بورال «گنجلربیرلیگی»نده چیخیش ائتدیی ۲۰۰۳-جی ایلده فئتؤ-پید ایله تانیش اولدوغونو، چوخ‌لو سای‌دا ییغین‌جاقلاردا ایشتیراک ائتدیینی و بورادا «۳ بؤیوکلر»این ده بیر سیرا فوتبول‌چولارینی گؤردویونو بیلدیریب.

معلوماتا گؤره، اوغور بورال آرالارین‌دا ایندی ده ایستانبول نهنگلرین‌ده چیخیش ائد‌ن مشهور فوتبول‌چولارین آدلارینین دا اولدوغو سیاهینی ایستینتاق اورقانلارینا تقدیم ائدیب. فوتبول‌چولاردان علاوه بیر سیرا سوپئرلیقا کلوبلارینین باش مشق‌چیلری و مئنئجئرلرین ده آدلاری فئتؤ ایله آنیلیب. اوغور بورال همچینین سؤزوگئ‌دن شخصلرین «بایلوک» ایستیفاده‌چی‌سی اولدوغونو اعتراف ائدیب.

قئید ائدک کی، تورکییه‌نین «قالاتاسارای»، «فنرباخچا» و «بئشیکتاش» کلوبلاری بیرلیک‌ده «۳ بؤیوکلر» آدلاندیریلیر.