لیوییانین پایتاختی تریپولیده حاضردا ایستیفاده ائدیله‌ن یگانه هاوا لیمانی اولان میتیقا آئروپورتو یاخینلیغیندا سلاحلی توققوشما نتیجه‌سینده آزی ۲۰ نفر هلاک اولوب، ۱۰۰-دن چوخ اینسان یارالانیب.

آخار .آذ خبر وئریر کی، بیلاواسیطه قروپلاشمالار آراسینداکی توققوشمالارین گئدیشینده ۱۶ نفر اؤلدورولوب، ۵۰ نفر گولله یاراسی آلیب. عینی زاماندا، لیوییا سلاحلی قوه‌لرینین خصوصی تعییناتلی ۶ دؤیوشچوسونون هلاک اولدوغو، داها ۵۵ حربچینین ایسه یارالاندیغی بیلدیریلیر.

توققوشما بو گون سوبه چاغی «آل-باکارا» قروپلاشماسی آئروپورت اراضیسینده‌کی حبسخانایا هوجوم ائدرکه‌ن باشلاییب. حبسخانادا اساساً ترورچولوقدا و ایشید قروپلاشماسی ایله علاقه‌ده اتهام ائدیله‌ن محکوملار ساخلانیلیر و هوجومون مقصدی اونلاری آزاد ائتمک اولوب.

سلاحلی قروپلاشمالار آراسیندا باش وئره‌ن قانلی توققوشما آئروپورتون ایشینین تام دایانماسی ایله نتیجلنیب.