روسییانین وولگاگراد شهرینده سلاحلی حادثه نتیجه‌سینده ایکی آذربایجانلی یارالاناراق کوما وضعیتینه دوشوب.

رئپورت خبر وئریر کی، بونو روسییا داخیلی ایشلر ناظیرلیینین رئگیون اوزره ایداره‌سینین مطبوعات خیدمتینین نماینده‌سی آنتون کورناوخوو بیلدیریب.

حادثه آخشام ساعت ۲۰:۰۰ راده‌لرین‌ده شهرین کراسنوارمئیسک رایونو اراضی‌سین‌ده، قئرویئو ایستالینگراد پروسپئکتینده باش وئریب. "روسکی چای" کافه سی قارشیسیندا دوران ۲ آذربایجان‌لی، ۱ روس و ۱ چچنه یولسوزلوق آوتوموبیلی ایله اراضییه گلن و قفقازلی اولدوقلاری احتیمال ائدیلن شخصلر آراسیندا البیاخا داوا و بیچاقلاشما اولوب. داوا زامانی آتش سسلری ائشیدیلیب. نتیجه روسییالی اولدوغو بیلدیریلن ۲۵ یاشلی گنج آلدیغی گوله یاراسیندان کئچینیب. چچن و آذربایجان اصیللی ایکی قارداش اودلو سلاح و بیچاق خسارتلری ایله خستخانایا یئرلشدیریلیب. حاضردا اونلارین کوما وضعیتینده اولدوقلاری بیلدیریلیر. قارشی طرف آوتومبیله مینه‌رک اراضی‌دن اوزاقلاشیب. شهرده "اله کئچیرمه" پلانی اعلان ائدیلیب.

حادثه یئرینه حقوق-محافظه اورگانلارینین امکداشلاری جلب اولونوب. حادثه‌نین سببلری آراشدیریلیر.

فاکتلا باغلی روسییا ایستینتاق کمیته‌سینین رگیون اوزره ایستینتاق ایداره‌سی طرفیندن جینایت مجلله‌سینین قتل، ایکی و داها آرتیق شخصی اؤلدورمه‌یه جهد و قانونسوز سلاح دؤورییه‌سی ماده‌لری اوزره جینایت ایشی آچیلیب.