موسکوا نوه (اتم) سلاحینین قاداغان اولونماسی ایله باغلی راضیلاشمایا قوشولماغی پلانلاشدیرمیر.

آخار. آذ خبر وئریر کی، بونو بیرلشمیش میلتلر تشکیلاتی تهلوکه‌سیزلیک شوراسینین ایجلاسیندا چیخیشی زامانی روسییا خاریجی ایشلر ناظری سرگئی لاوروو سؤیله‌ییب.

«روسییا بو راضیلاشمایا قوشولماق نیتینده دئییل. بیزیم فیکریمیزجه، نووه سلاحینین تام لغوی یالنیز هر بیر دؤولتین نووه سلاحسیزلانماسی کونتکستینده، هر کس اوچون برابر و بؤلونمز تهلوکه‌سیزلیک تأمیناتی شرایطینده مومکوندور. بیز نووه سلاحی اولمایان دونیانین یارادیلماسینی ایستییریک، اما بو هدفه بئله بیرطرفلی متودلارلا چاتماغین طرفداری دئییلیک»، – دئیه او بیلدیریب.

قید ائدک کی، نووه سلاحینین قاداغان اولونماسی ایله باغلی موقاویله ۲۰۱۷-جی ایلین ایولوندا ایمضالانیب. بو موقاویله‌نی روسییا، بریتانییا، چین، آمریکا و فرانسا ایمضالاماییب.