«پخئنیانی نووه پروگرامیندان ایمتیناعیا مجبور ائتمک مقصدی ایله کورئیا خالق دموکراتیک رسپوبلیکاسینا ان محدودلاشدیریلمیش حربی ضربه‌لر فاجعه‌لی نتیجه‌لره گتیریب چیخارا بیلر.

پوبلیکا. آذ «دفنس نیوز» قزئتینه ایستینادن خبر وئریر کی، بئله خبردارلیقلا عراق محاربه‌سینین وترانلاری - ایللینویس ایشتاتیندان دموکرات سناتور تئممی داکوورت و آریزونا ایشتاتیندان دموکرات سئناتور روبن قاللقو چیخیش ائدیب.

اونلارین خبردارلیغی آمئریکانین دؤولت کاتیبی رکس تیللرسونون شیمالی کورئیا ایله باغلی سون بیاناتیندان سونرا وئریلیب. تیللرسون قئید ائدیب کی، نووه و راکئت پروگراملاریندان ایمتیناع ائتمیه جه یی حالدا، محاربه‌نین باشلانماسی استثنا ائدیلمیر.

داکوورت و قاللئقو دونالد ترامپ آدمینیستراسییاسینی شیمالی کورئیا ایله ایسته‌نیلن حربی موناقیشه ایدئیاسیندان و داواکار ریتوریکادان ایمتیناع ائتمه‌یه چاغیریب.

«پخنیان هوجومدان بیر نئچه ساعت سونرا – موتتفیقلر شیمالی کوریانین آرتیللرییاسینی محو ائتمه‌یه واخت تاپمادان سئولدا و اطراف رایونلاردا یاشایان یوز مینلرله جنوبی کورئیالینی و آمئریکالینی محو ائده بیلر. بوندان سونراکی هفته‌لر و آیلار عرضینده هر گون اون مینلرله اینسان هلاک اولاجاق»، - قانون وئریجیلر بیلدیریبلر.