آآمریکادا فدرال حکومتین مالیلشمه‌سینین دایاندیریلماسی بؤیوک بیر فاجعه دئییل.

آخار. آذ خبر وئریر کی، بو سؤزلری اقتصادچی اکسپئرت ناتیق جعفرلی آمریکا حکومتینین فعالیتینی دایاندیرماسینا موناسیبت بیلدیررکن قید ائدیب. او بیلدیریب کی، آمریکا تاریخین‌ده ۱۸ دفعه بئله "shutdown" باش وئریب:

"یعنی بونون بیرباشا ترامپلا علاقه‌سی یوخدور. ساده‌جه، حاکمیت بؤلگوسو ایشله‌یه‌ن، ایجرا-قانونوئریجی-محکمه قوللاری نورمال اولان اؤلکه‌لرده بئله حادثه‌لر سیاسی دانیشیق و گذشتلر اوچون شرایط یارادیر. چوخ گومان، یاخین بیر نئچه گونه مسئله حل اولوناجاق، فدرال حکومتین مالیلشمه‌سی یئنیدن برپا ائدیله‌جک".

اکسپئرتین سؤزلرینه گؤره، هفته‌نین ایلک گونو، چوخ گومان، تورکییه بیرژاسی و تورک لیره‌سی جدی دیر ایتیره‌جک:

""سیجاک پارا" و خاریجی یاتیریم‌چیلار تورک لیره‌سین‌ده اولان وارلیقلارینی سرعتله ساتیب، دوللارا، آورویا چئویریب اؤلکه‌دن چیخارماغا باشلایاجاقلار".

قید ائدک کی، آمریکانین بیر سیرا رسمی دؤولت ایداره‌لری مالییه چاتیشمازلیغی اوجباتیندان فعالیتلرینی قیسما دایاندیریبلار. بونا سبب آمریکا کنگرسینین اؤلکه‌نین فدرال بودجه‌سینی قبول ائده بیلمه‌مه‌سی اولوب.