ایرانلا نووه راضیلاشماسینین تالعی آوروپا بیرلییندن آسیلیدیر.

آخار. آذز خبر وئریر کی، بونو «Gazeta.ru»-یا آچیقلاماسیندا روسییالی پولیتولوگ ولادیمیر ساژین سؤیله‌ییب.

«آوروپالیلار ایران بازاریندا چوخ ماراقلیدیرلار. اگر واشینگتن اونلارا قارشی «یا ایرانلا بیزنسی، یا دا منی سئچین» اولتیماتومونو وئرسه، آوروپالیلار آمریکانی سئچه‌جکلر»، – دئیه او بیلدیریب.

اکسپرت آچیقلاماسیندا همچینین ایران ایسلام اینقیلابی کئشیکچیلری کورپوسونون مالییه قایناقلارینین بیر حیصه‌سینین آلینماسی مسئله‌سینه ده توخونوب:

«سپاه اؤز بیزنسینین بیر حیصه‌سینی وئرملی اولاجاق و اونلاردان نیه بونو ائتدیکلرینی هئچ کیم سوروشمایاجاق. اگر سپاه هدف سئچیلیبسه، او زامان بو، تهران‌دا هئچ ده هر شئیین راحت گئتمدیی دئمکدیر. اقتصادیاتلا باغلی وضعیت کیفایت قدر جدیدیر. سپاه-این اؤزو اصلینده دؤولت ایچینده دؤولتدیر و گوجلو اقتصادی قورولوشدور. اونا گؤره ده موباریزه سرت اولاجاق. سپاه سس‌سیز شکیلده پول و نفوذونو وئرمه‌یه‌جک».

قید ائدک کی، حاضردا ایران اقتصادیاتینین اوچده بیری سپاه-این نظارتینده‌دیر. بیر مدت اؤنجه ایران عالی دینی لیدری علی خامنه ای سپاه-ی اؤز بیزنسیندن ال چکمه‌یه چاغیرمیشدی.