آمریکا «زیتون بوداغی» حرکاتینین منبیچه قدر اوزانماسینا ایجازه وئرمه‌یه‌جک.

آخار. آذ خبر وئریر کی، بو آچیقلاما ایله روسییانین یاخین شرق و مرکزی آسییا اؤلکه‌لری اوزره آراشدیرما مرکزینین رهبری اره‌نی اصیللی سمیون باقداساروو دئییب.

«آمریکا عفرین‌ده‌کی حادثه‌لرله باغلی مسافه ساخلادی. چونکی بورا روسییانین تأثیر دایره‌سینده‌دیر. لاکین تورکییه عملیاتی منبیچه قدر داوام ائتدیرمک ایسته‌سه، آمریکا بونا انگل اولاجاق. چونکی بو شهرین غربینده آمریکانین جاوابده‌لیک داشیدیغی اراضی باشلاییر»، - دئیه اکسپئرت علاوه ائدیب.

قید ائدک کی، تورکییه خاریجی ایشلر ناظری مؤولود چاووشوغلو منبیچ و فرات چایینین شرق ساحللرینده ده عملیاتلارین باشلادیلاجاغینی استثنا ائتمه‌ییب.

ارمنیستان رسمیلری و اره‌نی پولیتولوگلاری "زیتون بوداغی" عملیاتیندان اولدوقجا ناراحاتدیرلار. بعضی ارمنی پولیتولوگلار بو عملیاتین قاراباغدا دا تکرارلانا بیلجیینین مومکونلویونو بیلدیریر. سورییا ارمنیلرینین ایسه ی پ گ/پ ی د-نین ترکیبینده تورکییه‌یه قارشی ساواشدیغی ادعا ائدیلیر. حتی بعضی منبع‌لرین معلوماتینا گؤره، بو ارمنی دسته‌لری آپرل ساواشیندا قاراباغدا دؤیوشمه‌یه گلنلردیر.