روسییا موختلیف واسطه‌لردن ایستیفاده ائدیر کی، سورییاداکی اؤز ایتکیلرینی گیزلتسین.

آخار. آذ خبر وئریر کی، بونو «آپوستروف» سایتینا موصاحیبه‌سینده ایسرایلدن اولان پولیتولوگ آورام شمولئویچ سؤیله‌ییب. اونون سؤزلرینه گؤره، روسییانین سورییا مناقشه سینده ایشتیراکی اونون یئنی محاربه‌یه باشلاماسی اوچون حاضرلیق اولا بیلر:

«روسییادا قانونا گؤره، ایتکیلر حربی سیرر ساییلیر و یاییمی قاداغاندیر. دیگر طرفدن، اؤزل حربی شیرکتلر وار کی، بو دا حربچیلرین اوردویا، یوخسا اونلارا مخصوص اولدوغونو قیسا مدتده دییشمه‌یه ایمکان وئریر. باشقا بیر مکانیزم ایسه ایتکینین قئیده آلینماماسیدیر. بونون دا نتیجه‌سینده اؤلن شخصین ماعاشینی اونون رهبرلیگی آلیر. روسییادا بئله اینفورماسییالاری فدرال تهلوکه‌سیزلیک خیدمتی نظارتده ساخلاییر. گؤرونور، ائله اونلار اؤلنلرین قوهوملارینا تضییق ائدیب، ساکیت دورمالارینی طلب ائدیرلر. هله ده روسییانین بو ساواشدا نیه ایشتیراک ائتمه‌سی آنلاشیلمازدیر. بو، یئنی محاربه‌یه حاضرلیق اولا بیلر».