سئچکی منطقه‌لرینین ۶۶ فایزیندن آلینان معلوماتلارا اساساً، چئخییانین حاضیرکی لیدری میلوش زئمان پرزیدنت سئچکیلرینین ایکینجی تورون‌دا ایر‌لی‌ده گئدیر.

آخار .آذ خبر وئریر کی، او، سئچیجی لرین ۵۴،۴ فایزینین (۱،۵ میلیون نفر) سسینی توپلاییب. دیگر نامیزد، علملر آکادمییاسینین سابیق صدری ایرژی دراقوشین ایسه ۴۵،۵ فایز (۱،۲۵ میلیون نفر) سسی وار.

قئید ائدک کی، میلوش زئمان اؤزونون آنتی‌موسلمان باخیشلاری ایله تانینیر. او، ۲۰۱۵-جی ایلین میقراسییا بحرانینی آوروپایا «تشکیل اولونموش موداخیله» حساب ائدیر. زئمانین فیکرینجه، موسلمانلار آوروپا اؤلکه‌لرینه اینتقراسییا اولونا بیلمزلر. او، همچینین دفعه‌لرله روسییایا قارشی سانکسییالارین لغو اولونماسینا چاغیریشلار ائدیب.

دراقوش ایسه آوروپا اتفاقی ایله امکداشلیق و روسییایا قارشی سانکسییالار طرفداری‌دیر. پراقانین «آی-ده داها فعال رول اویناماسینی» واجیب حساب ائد‌ن دراقوش چئخییانین آورونو والیوتا قیسمینده قبول ائتمه‌سینی دستکلییر.

سس وئرمه‌نین یئکون نتیجه‌لری باکی واختی ایله ۲۱:۰۰-دا معلوم اولاجاق.