آوروپادا بعضیلری تورکییه اوردوسونا ایشغال اوردوسو دئییر. تاریخینیزه باخین، تاریخینیز آفریکانین، دیگر بؤلگه‌لرین ایشغالی، سؤمورولمه‌سی ایله دولودور.

آپا-نین معلوماتینا گؤره، بونو بو گون تورکییه پرزیدنتی رجب طییب اردوغان آماسییا شهرینده کئچیریلن میتینگده بیلدیریب.

ر.ت.اردوغان آلمانییادا پولیسلرین گؤزو قارشیسیندا پ کاکا ترور تشکیلاتینین عضولرینین مسجیدلره هوجوم چکدیینی سؤیله‌ییب: "آنجاق بیز بو اؤلکه‌ده هئچ بیر ترورچویا سیغیناجاق وئرمه دیک. او ترورچولاری یا اؤلکه‌لرینه گؤندردیک، یا دا حبس ائتدیک. اونلارا کیمین ایشغالچی، کیمین قوناقپرور اولدوغونو گؤستره جه ییک. بیز عفرینه نیه گیرمیشیک؟ مقصدیمیز عفرینی ایشغال ائتمک دئییل. حاضردا ۳ میلیون سورییالی تورکییه‌ده قوناغیمیزدیر. بو سورییالیلارین تورپاقلارینا قاییتماسی اوچون عفرین عملیاتینی حیاتا کئچیریر، او تورپاقلاری پ کاکا ترور تشکیلاتینین سورییا قولو پید/یپگ-دن آزاد ائدیریک. بیز "فرات قالخانی" عملیاتی ایله سورییادا ۲ مین kv.km اراضینی ایشید ترورچولارین‌دان آزاد ائتدیک، ۱۰۰ مین‌دن چوخ سورییالی او تورپاقلارا قاییتدی. قالان سورییالیلارین دا قاییتماسی اوچون اوردوموز بو عملیاتلاری کئچیریر".

قئید ائدک کی، یانوارین ۲۰-ده تورکییه اوردوسو موخالیف آزاد سورییا اوردوسو ایله بیرلیک‌ده سورییانین عفرین بؤلگه‌سینین پید/یپگ ترورچولاریندان تمیزله‌نمه‌سی اوچون "زیتون بوداغی" عملیاتینا باشلاییب.