۰۹:۳۹

آمریکا مالییه ناظرلیگی کنگرسه تقدیم ائتدیی «کرمل حساباتی» سانکسییالار پاکتینه ۲۱۰ نفرین آدینی داخیل ائدیب.

آخار. آذ خبر وئریر کی، حساباتدا آدلاری یئر آلان شخصلردن ۱۱۴-او روسییانین یوکسک وظیفه‌لی شخصلری و دؤولت شیرکتلرینین رهبرلری، ۹۶ نفری ایسه اولیقارخدیر.

سیاهیدا یئر آلانلار سیراسیندا روسییا پرزیدنت آدمینیستراسییاسینین رهبری آنتون واینو، اونون معاوینی آلکسی قروموو، روسییا پرزیدنتینین مطبوعات کاتیبی دمیتری پسکوو، روسییا پرزیدنتینین کؤمکچیسی ولادیسلاو سورکوو، روسییا فدراسییا شوراسینین رهبری والنتینا ماتوینکو، دومانین ایسپیکری ویاچسلاو والودین، «روسنفت»ین رهبری ایگور سئچین، «گازپروم»اون رهبری آلکسی میلر، روسییا خاریجی کشفیات خیدمتینین رهبری سرگئی ناریشکین، روسییا فدرال تهلوکه‌سیزلیک خیدمتینین رهبری آلکساندر بورتنیکوو و س. آدی وار.

اولیگارخلار سیاهیسیندا ایسه الیشیر عثمانوو، رومان آبراموویچ، سلیمان کریموو، یوگنی کاسپرسکی، اولق دریپاسکا، گئرمان گرف، ولادیمیر کوستین یئر آلیب.

***

«کرئمل حساباتی»نا روسییا ناضیرلر کابینتینین اکثر عضولری داخیل ائدیلیب.

سیاهی‌دا ناظیرلر کابینتین‌دن ۳۰ نفرین آدی یئر آلیب. بونلاردان بیر نئچه‌سینی تقدیم ائدیریک:

۱. دمیتری مدودیئو – باش ناظر؛

۲. ایگوو شووالوو – باش ناظرین معاوینی؛

۳. سرگئی پریخودکو – باش ناظرین معاوینی؛

۴. آلکساندر خلوپین – باش ناظرین معاوینی؛

۵. ویتالی موتکو – باش ناظرین موعاوینی؛

۶. آرکادی دوورکوویچ – باش ناظرین معاوینی؛

۷. اولگار قولودتس – باش ناظرین معاوینی؛

۸. دمیتری کوزاک – باش ناظرین معاوینی؛

۹. دمیتری روگوزین – باش ناظرین معاوینی؛

۱۰. سرگئی شویگو – مدافعه ناظری؛

۱۱. ماکسیم اورشکین – اقتصادی اینکیشاف ناظری؛

۱۲. ولادیمیر مدینسکی - مدنیت ناظری؛

۱۳. نیکولای نیکیفوروو – رابطه ناظری؛

۱۴. آلکساندر تکاچئو – کند تصروففاتی ناظری؛

۱۵. آلکساندر نوواک - انرگتیکا ناظری؛

۱۶. آنتون سیلوانوو – مالییه ناظری؛

۱۷. سرگئی لاوروو – خاریجی ایشلر ناظری؛

۱۸. ولادیمیر کولوکوتسو – داخیلی ایشلر ناظری.

سیاهی‌دا همچینین تهلوکه‌سیزلیک شوراسینین رهبری نیکولای پاتروشئو، باش قرارگاه ریسی والری گراسیموو، پرزیدنتین اطراف موحیطین قورونماسی، اکولوگییا و نقلیات اوزره خصوصی نماینده‌سی سئرگئی ایوانوو، باش کشفیات ایداره‌سینین (قرو) رهبری ایگور کوروبوو، موسکوا مئری سرگئی سوبیانین، باش پروکورور یوری چایکا، روسییا دمیریوللارینین رهبری اولئق بئلوزئروو، «روستکس»این رهبری سرگئی چمزوو، «روساتوم»اون رهبری آلکسئی لیخاچئو، «ترانسنفت»این رهبری نیکولای توکارئو، «گازپرومبانک»این رهبری آندری آکیموو، «آیروفلوت»اون رهبری ویتالی ساوئلیئو، «باشنفت»این رهبری آندری شیشکین، «تاتنفت»این رهبری نایل ماقانوو یئر آلیبلار.

اولیقارخلارین سیاهی‌سیندا آذربایجانلی میلیاردرلره ده یئر وئریلیب. بونلار سیراسین‌دا آراز آغالاروو، فرهاد احمدوو، قود نیسانوو، زاراخ ایلیئو و واحید الکبرووون آدی وار.

سیاهییا همچینین الکبرووون اورتاغی اولان لیونید فدون دا دوشوب. آمریکا بورادا روسییا ارمنیلرینین ان وارلی ایش آدامی اولان ساموئل کاراپتیانی دا اونوتماییب. سیاهییا تاتاریستانین کئچمیش پرزیدنتی مینتامیر شایمیئوین اوغوللاری آیرات و رادیک، پوتینین دوستلاری آرکادی و بوریس روتنبرقلر، گنادی تیمچئنکونون دا آدلاری داخیل ائدیلیب.

قید ائدک کی، بو سیاهی‌دا یئر آلان شخصلرین هئچ بیرینه سانکسییالار تطبیق ائدیلمه‌یه‌جک. اکسپرتلر ساده‌جه اولاراق بو حساباتلا آمریکا رهبرلیینین جااتسا قانونونون عؤهده‌لیکلرینی ایجرا ائتدیینی بیلدیریبلر. اونلارین فیکرینجه، سیاهی‌داکی شخصلری هئچ بیر محدودیت گؤزلمیر، اما بو سیاهی اونلارا گله‌جکده موختلیف بؤلگه‌لرده موختلیف انگللرین یارادیلماسینا، اونلارا قارشی خصوصی دقت گؤستریلمه‌سینه سبب اولا بیلر. بیر سؤزله، بو شخصلر دایما «آرزوولونمازلار» سیاهیسیندا یئر آلاجاقلار.