پروکاتی روسییادا قاداغان ائدیلن «ایستالینین اؤلومو» کومئدییا فیلمینین چکیلیشلری اوکراینادا آپاریلیب.

کولت. آذ خبر وئریر کی، بونو روسییا مدنیت ناظری ولادیمیر مئدینسکی اؤزونون تویتر صحیفه‌سینده یازیب.

ناظر بونو سیموولیک حادثه آدلاندیریب.

«دئمک اولار کی، ام د ب اؤلکه‌لرینین هامیسیندا پروکاتی قاداغان اولان «ایستالینین اؤلومو» اینگیلیس کومئدییا فیلمینین کیئوده چکیلدیی معلوم اولوب. سیموولیکدیر»، - مئدینسکی یازیب.

قید ائدک کی، «ایستالینین اؤلومو» فیلمی یانوارین ۲۵-ده موسکواداکی «پیونئر» کینوتئاتریندا نماییش اولونوب. نؤوبتی گون پلیس امکداشلاری کینوتئاترا گلیب.

روسییا مدنیت ناظیرلیینین حقوقشوناسلاری ناظر ولادیمیر مئدینسکییه چاغیریش ائد‌رک فیلمین کینوتئاترلارا بوراخیلماماسینی ایسته‌ییبلر. بونا سبب کیمی فیلمده روس و سووئت اینسانینین آلچالدیلماسی و تحقیر اولونماسی گؤستریلیر. محض بوندان سونرا فیلمین پروکاتی روسییانین بوتون کینوتئاترلاریندا قاداغان اولونوب.