تورکییه پرزیدنتی رجب طایییب اردوغان صربییا و بوسنییا هرزگووینانی باریشدیرماغا چالیشیر.

آخار. آذ خبر وئریر کی، سؤزوگئ‌دن مسئله ایله باغلی اردوغان ایستانبولدا سئرصبییا لیدری آلکساندر ووچیچ و بوسنییالی همکاری باکیر ایززتبیوویچله اوچطرفلی گؤروش کئچیریب.

گؤروش زامانی ووچیچ بوسنییالی همکارینا خیتابا بیلدیریب کی، صربییا بوسنییا هرزگووینانین اراضی بوتؤولویونه حؤرمت ائدیر و سیزدن خواهیشیمیز بودور کی، دایتون صولح موقاویله‌سی اساسیندا بوسنییا هرزگووینا سرحدلری داخیلینده اولان صربییا رئسپوبلیکاسینین تورپاغینا عینی شکیلده حؤرمت ائدیلسین.

گؤروشون اساس مسئله‌لریندن بیری ده تورکییه‌نین ایشتیراکی ایله بالکانلاردا حیاتا کئچیریلن اینفراستروکتور لاییحه‌لری اولوب. بوسنییا مئدیاسی ایستانبولدا بیر آرایا گلن طرفلرین سارایئوو-ویسگراد-بئلقگراد و سارایئوو-توزلا-بئلگراد ایستیقامتین‌ده ایکی سرعتلی قطار یولونون تیکینتیسی مسئله‌سینده راضیلیغا گلدیینی بیلدیریب.