آمریکا اؤزونون یئنی نووه دوکتریناسینی تقدیم ائدیب.
آخار. آذ خبر وئریر کی، یئنی سندده آمریکایا و اونون آسییا-ساکیت اوکئان رئگیونونداکی رقیبلرینه اونیکال تهدید کیمی شیمالی کورئیا ایله برابر روسییا و چین گؤستریلیب. واشینگتون چینین اؤز حربی ایمکانلارینی گئنیشلندیردیینی و آمریکایا بوتون ساکیت اوکیاندا میدان اوخودوغونو بیلدیریب.
دوکترینادا همچینین روسییانین اؤز نووه آرسنالینی آزالتماق اوزینه آرتیردیغی وورغولانیب. بئله کی، موسکوانین نووه سلاحیندان ایلک ایستیفاده ائدن قوه اولا بیلجیی ادعا ائدیلیب. بونا اساس سبب کیمی ایسه پنتاگون روسییانین آمریکانین آوروپاداکی متفیقلری ایله آپاردیغی رقابتی گؤستریب. موسکوانین بو رقابتی اؤز خئیرینه بیتیرمک و کونفلیکتی باشا چاتدیرماقدان اؤترو نووه سلاحیندان اؤز خئیرینه ایستیفاده ائدجیی احتیمال ائدیلیب.
دوکترینادا همچینین آمریکانین روسییا و یا چینه دوشمن کیمی باخماسینین آرزو ائدیلمدیی بیلدیریلیب:
«آمریکا و روسییا یاخین کئچمیشده نووه ریسکلری ایله باغلی دایمی دیالوگا صاحب ایدیلر. کریمین ایشغالیندان سونرا کونستروکتیو امکداشلیق گؤزلنیلمهدن آشاغی دوشوب. آمریکا اومید ائدیر کی، روسییا گلهجکده آمریکا و متفیقلری ایله آچیق قارشیلیقلی فعالیت قورا بیلهجک».
آمریکا همچینین سندده سویوق محاربه دؤورونه ۲۰۱۰-جو ایللرین اووهلریندن گئری دؤنوش ائدیلدیینی بیلدیریب. بورادا روسییا و چینین ایندییه قدر دونیا سیاستینده فورمالاشان قایدالارا یئنیدن باخیلماسینی ایستدیکلری وورغولانیب. واشینگتون سندده موسکوانین بیر سیرا بین الخالق راضیلاشمالاری پوزدوغونو بیلدیریب و بونلار سیراسیندا ۱۹۹۴-جو ایل بوداپئشت مئموراندومو، ۲۰۰۲-جی ایل آچیق سما راضیلاشماسی، ۱۹۸۷-جی ایل کیچیک و اورتا منزیللی راکتلرینین آزالدیلماسی حاقیندا راضیلاشما گؤستریلیب.
واشینگتون همچینین دوکترینادا ایران مسئلهسینه ده توخونوب. آمریکانین فیکرینجه، ایران سون زامانلار کیمیوی و بیولوژی سلاح حاضرلانماسینا بؤیوک اینوئستیسییالار یاتیریب.