دونباس اوزره دانیشیقلارا روسییا پرزیدنتی ولادیمیر پوتین اؤز کؤمکچیسی ولادیسلاو سورکوو عوضینه لیبرال گریگوری یاولینسکینی تعیین ائتسه، بو، غربه مئساژ اولاجاق.

آخار. آذ خبر وئریر کی، بو سؤزلر روسییالی پولیتولوگ دمیتری اورئشکینین «اوبوزرئواتئل» سایتین‌دا درج اولونان مقاله‌سین‌ده یئر آلیب. اونون سؤزلرینه گؤره، موسکوا بونونلا اوکراینا مسئله‌سین‌ده گذشتلره حاضر اولدوغونو، مؤوقعین‌ده یومشالمالار ائتدیینی گؤستره‌جک:

«سورکووون دییشدیریلمه‌سی داها چوخ گؤرونتو کاراکتری داشییاجاق. یاولینسکی کیفایت قدر ضدیتلی شخصدیر. او، کریملا باغلی کسکین مؤقعیه صاحب اولسا دا، پوتینله کومپرومیسه گئتمه‌یه مجبوردور. عکس تقدیرده روسییا سیاستینده قالماق مومکون دئییل. بو دییشیکلیکدن اوکراینا مسئله‌سینده کسکین دییشیکلیکلر گؤزله‌مه‌یه دیمز. صحبت ساده‌جه کرئملین ائله ده بؤیوک اولمایان گذشتلریندن گئده‌جک».

قید ائدک کی، بوندان اؤنجه روسییا مطبوعاتی پوتینین تئزلیکله دونباس دانیشیقلارینین آپاریلماسی مسئله‌سینی ولادیسلاو سورکوو اوزینه یابلوکو پارتییاسینین صدری گریگوری یاولینسکییه تاپشیراجاغی حاقیندا اینفورماسییا یاییب.