اسد رژیمینین کوماندانلاریندان بیری سورییا اوردوسونون حلب و ایدلیبه یئنی هاوا هوجوموندان مدافعه سیستملری و زنیت راکئت کومپلکسلری یئرلشدیردیینی آچیقلاییب.

آخار. آذ خبر وئریر کی، بو باره‌ده «رؤیتر» معلومات یاییب.

آگنتلییه بو حاقدا دانیشان حربی منبع بیلدیریب کی، بو آددیم هر کسه وئریلن بیر مئساژدیر.

تورکییه مئدیاسیندا بو قرارین تورک اوردوسونا قارشی بیر حمله اولا بیلجیینه ایشاره ائدیلیر. خصوصاً، سورییا خاریجی ایشلر ناظرینین معاوینی فایسال میقدادین عفرین عملیاتیندان اول «سورییانین هاوا هوجوموندان مدافعه سیستملری اؤلکه‌یه هوجوم ائتمه‌یه چالیشان تورک طیاره‌لرینی یوخ ائد‌جک» آچیقلاماسی دقته چاتدیریلیر.

قید ائدک کی، تورک سیلاحلی قوه لری عفرین عملیاتلارینین تورکییه‌نین حقوقی قانونوئریجی‌لیگی، بیرلشمیش میلتلر تشکیلاتی تهلوکه‌سیزلیک شوراسینین ترورلا موباریزه‌یه ایستیقامتلنمیش ۱۶۲۴، ۲۱۷۰ و ۲۱۷۸ سایلی قطعنامه‌لری و بیرلشمیش میلتلر تشکیلاتی راضیلاشماسینین ۵۱-جی ماده‌سین‌ده گؤستریلمیش اؤزونو مودافیه حقوقو چرچیوه‌سینده سورییانین اراضی بوتؤولویونه حؤرمت ائتمکله حیاتا کئچیریلدیینی و مولکی وطنداشلارین ضرر گؤرمه‌مه‌سی اوچون سون درجه احتیاط‌لی داورانیلدیغینی آچیقلاییب.