بؤیوک دؤولتلر ده چوخ گؤزل باشا دوشورلر کی، ایستاتوس-کوونو داغلیق قاراباغدا ساخلاماق مومکون دئییل.

بو سؤزلری آخار. آذ-آ فلسفه دوکتورو ائلخان علسگروو دئییب. پولیتولوگ بیلدیریب کی، داغلیق قاراباغ مسئله‌سینین حلی یؤنونده آپاریلان دانیشیقلارین پرینسیپلری معلومدور:

«بو پرینسیپلرین ایشه دوشمه‌سی اوچون ایلک نؤوبه‌ده ارمنی قوشونلاری ایشغال ائدیلمیش آذربایجان تورپاقلاریندان چیخمالیدیر. تماس خطین‌ده موشاهی‌ده‌چیلرینین سایینین آرتیریماسی چوخ معناسیز بیر ایشدیر. چونکی تماس خطی او قدر بؤیوکدور کی، اورادا ۳ و ۷ نفرین اولماسی فایداسیزدیر. آیدین مسئله‌دیر کی، بؤیوک دؤولتلر بیر-بیریله رقابت ایچریسینددیرلر و محض سیاسی چیخارلارینا گؤره قاراباغ پروبلمینین حلینی یوبادیرلار. لاکین بؤیوک دؤولتلر چوخ گؤزل باشا دوشورلر کی، ایستاتوس-کوونو هانسیسا شکیل‌ده داغلیق قاراباغدا ساخلاماق مومکون دئییل. فرانسا، روسییا و آمریکا موناقیشه‌نین حل اولونماسینا دایر بیاناتلار وئریبلر. حاضردا بو ایستیقامت‌ده یوللار آختاریلیب تاپیلمالیدیر».

اکسپئرتین سؤزلرینه گؤره، قاراباغ پروبلمینین حل اولونماسی عمومی‌لیکده گئوسییاسی پروسئسلردن ده آسیلیدیر:

«صحبت روسییا-آمریکا موناسیبتلریندن گئدیر. حاضردا ائله بیر شرایط یارادیلیب کی، موناقیشه‌نین حلی دونیادا گئدن عمومی پروسئسلردن آسیلی وضعیتده‌دیر. لاکین آذربایجان اوولکی آذربایجان دئییل. باکی موناقیشه‌نین حلی ایستیقامتینده آددیملارین آتیلماسی ضروریلیینی دونیا ایجتیماعیتینه قبول ائتدیره بیلیب».