میخایل سااکاشویلینین «گوجون اویانیشی» کیتابینین ایروان‌دا تقدیماتی باش توتوب.

آخار. آذ خبر وئریر کی، بو باره‌ده اینفورماسییانی گورجوستان مطبوعاتی یاییب. تقدیمات «یانکئئ پوب»دا کئچیریلیب. کیتاب تقدیماتینا اونلارلا اینسان گلیب.

سااکاشوی‌لی ایسه یئنی‌دن اؤز فیسبوک صحیفه‌سین‌ده ارمنیستان حاکمیتینی تنقید ائدیب:

«دوشونوردوم کی، اوکراینادا درین سیاسی باتاقلیق وار، اما اعتراف ائتمک لازیمدیر کی، ارمنیستان‌دا وضعیت داها برباددیر. ایسته‌نیلن حالدا ارمنی خالقینا حؤرمت ائدیره‌م و امینم کی، سیزده هر شئی فورمالاشاجاق».

قید ائدک کی، سااکاشویلی بوندان اؤنجه ارمنیستان حکومتینی تنقید ائد‌رک، سرکیسیان حاکمیتینی «باریقا» (ساتیلمیش) آدلاندیرمیش‌دی.

سااکاشویلینین کیتابینی ارمنی دیلینه میکاییل ناخاپئتیان ترجومه ائدیب. ایروان ۵۰۰ نوسخه ایله درج ائدیله‌ن کیتابین تقدیماتینا ایکی دفعه ایزن وئریلمه‌ییب. بونونلا برابر بعضی حکومت نماینده‌لری سااکاشویلینی تنقید ده ائدیبلر.