سورییانین راجو بؤلگه‌سینده مولکی اینسانلارین آراسینا قاریشان ترورچولارین آتدیغی قومبارالار و کمکه گئدن «آتاک» هلیکوپترینین قزایا اوغراماسی نتیجه‌سینده شهید اولان ۱۲ عسگرین اینتیقامی آلینیب.

آخار. آذ خبر وئریر کی، ترورچولارین هوجوم پلانلاری پوا-لار واسطه‌سیله معین ائدیلیب. ترورچولارین سایی چوخ اولدوغونا گؤره اراضییه یاخین مؤقعلرده‌کی «بایراقدار» درونلاری عملیاتا جلب اولونوب.

معلوماتا گؤره، هلیکوپترین قزایا اوغراماسیندان سونرا درونلارلا ترورچولارا موداخیله ائدیلیب. پوا-لار لازیمی یوکسکلیکدن آشاغی ائنرک آشکار ائدیلمیش ترورچو مؤقعلرینی بومبالاییب و ۳۴ ترورچو محو ائدیلیب.

تورک اوردوسو کشفیات پوا-لارینین ایزلدیی ترورچولارین دا قاچماسینا ایزن وئرمه‌ییب. کووردیناتلاری معین ائدیلن ترورچولار اف-۱۶-لارین دقیق ضربه‌لری ایله ضررسیزلشدیریلیب. عملیات نتیجه‌سینده عمومی‌لیکده ۷۰ نفر ترورچو اؤلدورولوب.

قید ائدک کی، حربی منبعلر درونلارین موداخیله‌سی نتیجه‌سینده تورک اوردوسونا آغیر ضربه وورماق ایسته‌یه‌ن ترورچولارین پلانلارینین قارشی‌سینین آلیندیغینی و دوشمنین آغیر ایتکی وئردیینی بیلدیریب.