«زیتون بوداغی» عملیاتینین تورکییه طرفین‌دن اوغورلا داوام ائتدیی بیر زاماندا عفرین اطرافیندا یئنی ایسپکولیاسییالار اصلینده مؤوجود رئاللیقلاری قبول ائتمکده چتینلیک چکن و باش وئرنلرین فونوندا اؤزونه اویغون گئدیشلر ائتمه‌یه چالیشان رژیمین داها آرتیق درجه‌ده اؤز مؤوجودلوغونو تصدیق ائتمک جهدلری کیمی قیمتلندیریله بیلر. شوبهه‌سیز کی، بو جهدلره تشویق ائد‌ن عامللر اؤز ماراقلاری نامینه سورییاداکی موناقیشه‌نین داها دا آلوولانماسینا و بو تورپاقلارین فاکتیکی اولاراق پارچالانماسینا رواج وئره‌ن ایران و روسییادیر. یعنی اسد بو قراری تک قبول ائتمیر و یا ائدیرسه، بورادا موطلق تهران و موسکوا عامللری وار.

آخار. آذ خبر وئریر کی، بو حاقدا آنالیتیک ووقار زیفروغلو سورییادا باش وئره‌ن سون پروسئسلرله باغلی بعضی سواللارا آیدینلیق گتیررکه‌ن دئییب.

- اسد رژیمی عفرینی هدف گؤتورمکله فاکتیکی اولاراق آنکارانی قارشیسینا آلاراق ریسکه گئتمیرمی؟

- سورییانین عفرینه داخیل اولماسینین رئاللاشماسی بؤلگه‌ده بوتون مؤوجود دنگه‌لری آلت-اوست ائده بیله‌جک میقیاس‌دا بیر گئدیش کیمی دیرلندیریله بیلر. شوبهه‌سیز کی، سورییاداکی مؤوجود رئاللیقلاری هئچ ده اسد و یا اونا متفیق اولان روسییا و ایرانین ماراقلارینا ضد بیر اورتام کیمی ده قیمتلندیرمک اولماز. یعنی حاضردا سورییادا اولان قوه‌لر بالانسی، عمومیتله، مؤوجود شرایط اسده و متفیقلرینه الوئریشلی‌دیر. بس، اسد قوه‌لری عفرینه داخیل اولارسا، وضعیتین دییشجیینی آنلایان اسد-تهران-موسکوا اوچبوجاغینین بونا گئدجیی نه درجه‌ده رئالدیر؟ یاخود دا حاضیرکی شرطلر داخیلینده ایستر ایران، ایسترسه ده روسییا تورکییه ایله موناسیبتلرینه خلل گتیره‌جک آددیملار آتارلارمی؟ چونکی ایسته‌نیله‌ن بو کیمی رادیکال قرار قبول ائدیلجیی تق‌دیرده نه موسکوا، نه ده تهران بونون عکسینی آنکارایا ایناندیرا بیلر. تورکییه سون ایللرین خاریجی سیاستی ایله سادلؤوح اولمادیغینی بؤلگه‌ده اورتایا قویماغا مووففق اولموش ان جدی اویونچودور. دیگر طرفدن، بئله بیر آددیمین آتیلماسی هئچ شوبهه‌سیز کی، خاریجی تضییقلرین تأثیری ایله فورمالاشمیش و هله ده کؤورک اولان آنکارا-تهران-موسکوا بیرلیینی داغیداجاق. بو اتفاق ایلک نؤوبه‌ده قربه قارشی بؤلگه‌ده بیر دایانیشما ایدی و اونون عفرینده سارسیلماسی هم ده سورییا و عراق‌دا یئنی مرحله‌نین باشلانغیجی اولاجاق. اتفاقین سارسیلماسی تورکییه‌نی اؤز یانینا چکمک اوچون فاکتیکی اولاراق چوخسایلی جهدلر ائد‌ن، سون پروسسلرله بؤلگه‌ده مؤقعلری کیفایت قدر سارسیلمیش آمریکا اوچون گؤیدندوشمه بیر فورصت اولار.

- تهران و موسکوا رسمی سورییانی عفرینه دوغرو ایتله‌مکله الده ائتدیکلری نایلیتلری، یعنی اسد رژیمینین حاکمیت‌ده داها دا حکه‌مله‌نمه‌سینی و آنکارانین متفیق اولاراق اونلارلا بیر یئرده اولماسینی نه درجه‌ده تعمین ائده بیله‌جکلر؟

- اونوتمایاق کی، اسده قارشی ان کسکین مؤوقعیی هر زامان محض تورکییه سرگیله‌مک‌ده ایدی. آنکارا سورییاداکی قارشی‌دورمالارین و ترور تشکیلاتلارینین فعالیتلرینین کؤکون‌ده باش‌لیجا پروبلم اولاراق محض اسدی و اونون رژیمینی گؤرمکده ایدی. قرب باشلیجا هدف اولاراق ایشید-ی گؤستردیی زامان بئله آنکارا بونونلا راضیلاشمایاراق، «خسته لیین کؤکو اسددیر، ایشید ایسه سیمپتومدور» مشهور بیاناتینی وئرمیشدی. ایندی دییشن دنگه‌لر فونوندا آنکارانین اسده موناسیبتینین بیر قدر یوموشالدیغی حال‌دا بو موناسیبتلری یئنی‌دن کسکینلش‌دیرمک نه درجه‌ده تهرانین، موسکوانین و ائله اسدین اؤزونون ماراقلارینا جاواب وئریر؟ شوبهه‌سیز کی، جاواب یوخ‌دور.

- اسدین کورد ترور تشکیلاتلاری ایله راضیلاشماسی رئال‌دیرمی؟

- سون ایکی گونده یاییلان خبرلر بیری-بیرینی تکزیب ائدیر. اسد کورد قروپلاشمالاری ایله امکداشلیغا گئتمکله اؤزونو آنکارانین هدفینه چئویرمه‌یه‌جک. سئپاراتچی قروپلاشمالارین اسدله رازیلاشماسی یالنیز ی.پ.گ/پ.ی.د قوه‌لرینین تاماما همین نقطه‌لردن چیخماسی و عفرینی اس‌ده ترک ائتمه‌لری حالیندا مومکوندور. ترور قروپلاشمالاری ایسه بونو ایستمیر. داها دوغروسو، اونلارین آرخاسیندا دوران آمریکا هئچ بیر زامان بونا راضی‌لیق وئرمز. آمئریکا اونسوز دا مؤقعلری کیفایت قدر گوجلنمیش ایرانین سورییاداکی بوتون اراضیلرده حاکم اولماسینی قبول ائتمک نیتین‌ده دئییل. باخمایاراق کی، آمریکالیلار تورکلرین ده گوجله‌نمکده اولان مؤقعلرینی هزم ائده بیلمیرلر. بو گون عفرین‌ده باش وئرنلر هئچ شوبهه‌سیز کی، سورییانین گله‌جک شکلینین فورمالاشماسیندا اؤنملی اهمیته مالیک حادثه‌لردیر. اگر بو گون ایران و اسدین بیرباشا دستکلدیی شیعه هشدی-شعبی قروپلاشماسی و یا حزب اللها باغلی دسته‌لرین عفرین ایستیقامتینده معین آکتیولیگی موشاهیده ائدیلیرسه، یاخود دا موسکوا غیری-رسمی شکیلده سپاراتچی کورد قروپلاشمالاری ایله اسد آراسیندا دانیشیقلارین آپاریلماسینا جهد ائدیرسه، بو هم ده او دئمک‌دیر کی، پوسقودا دوران و متفیق کیمی گؤرونن «دوستلار» دا دیشلرینی قیجایاراق گؤزلرینی اورا زیللمکددیرلر. بو گون بؤلگه‌ده ماراغی، باش وئرن پروسئسلرده ایستر دولایی، ایسترسه ده بیرباشا ایشتیراکی اولان ایریلی-خیردالی بوتون قوه‌لری بیرلشدیرن ان واجیب مقام محض تورکلرین بو بؤلگه‌ده یئنی‌دن محکه‌مله‌نمه‌لرینی ایسته‌مه‌مه‌لری‌دیر. عثمانلینین سوقوطو ایله یاخین شرق‌دن سیخیشدیریلاراق چیخاریلان تورکییه، جمهوریتین ۱۰۰ ایللیی عرفه‌سین‌ده قورولان چیرکلی اویونلارا رغما، بوتون دونیانین گؤزلری قارشی‌سیندا یئنیدن بؤلگه‌یه قاییدیر. تورکییه بو اویوندا تکدیر. ذاتاً تورکون نه زامان اؤزوندن باشقا دوستو اولدو کی؟!