گورجوستان حکومتی سئچکینی آدمینیستراتیو رئسورسلار حسابینا اودماق ایستییر.

آخار. آذ خبر وئریر کی، بونو گورجو ائکسپئرت تورنیکئ شاراشئنیدزئ «نیوپوست» سایتینا آچیقلاماسین‌دا دئییب.

«حاکمیت چالیشیر کی، اهالی یاتمیش وضعیت‌ده قال‌سین. اونلارا سئچکی‌ده داها آز آدامین گلمه‌سی و سئچکینی آدمینیستراتیو رئسورسلارین حسابینا اودماق صرفه‌لی‌دیر. موخالیفت آکتیولشمه‌یه چالیشمالی‌دیر. مؤوجود رئاللیغا اویغون اولاراق موخالیفتین بیرلشمه‌سی واجیب‌دیر. بو، یئگانه چیخیش یولودور و حاکمیته بؤیوک زربه ووراجاق»، – دئیه او بیلدیریب.

قید ائدک کی، میخایل سااکاشویلی اؤلکه موخالیفتینی بیرلشمه‌یه چاغیریب. سااکاشویلینین بو چاغیریشی اساسین‌دا «آچیق پلاتفورما» حرکاتی یارادیلیب. حرکاتا آرتیق وطنپرورلر آلیان‌سی پارتییاسی قوشولمایاجاغینی بیان ائدیب. آوروپا گورجوستانی پارتییاسی ایسه هله‌لیک تام دقیق جاواب وئرمه‌ییب.

سون حسابلامالارا اساساً، حاضردا ایجتیمایت داخیلینده ایندیکی حاکمیتین مؤقعلری داها یوکسکدیر. اوندان سونراکی یئری ایسه واحید میللی حرکات پارتییاسی توتور. اکسپرتلر سااکاشویلینین گئری دؤنوشو ایله بو دستک‌چیلرین داها دا آرتا بیلجیینی ادعا ائدیر.