«فوربس» درگیسی هر ایل دونیانین ان گوجلو اینسانلارینین سیاهی‌سینی حاضیرلاییر. سؤزوگئدن سیاهی‌دا ۳-جو یئرده آلمانییا کانسلری آنگلا مرکل، ۲-جیلیکده آمریکا پرزیدنتی دونالد ترامپ، ۱-جی پیلله‌ده ایسه روسییا لیدری ولادیمیر پوتین یئر آلیب.

کولت. آذ خبر وئریر کی، بو باره‌ده یوتوب‌دا فعالیت گؤسترن «روحی چنت ویدئولاری» کانالین‌دا آراشدیرما پایلاشیلیب.

سؤزوگئدن ویدئودا پوتینین یوکسلیشی و اونون روسییادا، ائلجه ده دونیادا یوروتدویو اقتصادی-حربی سیاستدن بحث اولونوب. بیلدیریلیر کی، هله گنج ایکن جاسوسلاردان بحث ائد‌ن سوویت فیلملرین‌دن تأثیرلنن پوتین ک گ ب-نین امکداشی اولماق ایستییردی و دئمک اولار، هر شئی بوندان باشلادی:

«او، حقوق تحصیلینی باشا ووردوقدان سونرا آلمانییادا گیزلی ک گ ب آگنتی کیمی فعالیت گؤستردی و آلمانییا دموکراتیک رسپوبلیکاسینین چؤکوشونه سبب اولان حرکاتلارین تشکیلینده یئر آلدی.

۱۹۹۱-جی ایلده اس اس ار ای داغیلدی و روسلار ۲ میلیون کو. کم اراضی ایتیردی. پوتین سونرالار بو حادثه‌نی «عصرین ان بؤیوک گئوسییاسی فلاکتی» آدلاندیردی.

روسییانین ایلک پرزیدنتی سئچیلن بوریس یئلتسین غربله یاخین علاقه‌لرینه گؤره او قدر ده سئویلمیردی. بو آزمیش کیمی، او هم ده آلکوگولیک ایدی. روسلار اونون غربین کوکلاسی، کلوون اولدوغونو دوشونوردولر. او، حاکمیتده قالماق اوچون اقتداری اولیقارخییایا تسلیم ائتدی و اونلارین داها دا گوجله‌نمه‌سینه سبب اولدو.

بو پروسئسلر جریان ائدرکن پوتین اؤلکه‌سینه قاییتدی، سیاسته قاتیلاراق بوریسین گووندیی آداملاردان بیرینه چئوریلدی. ۱۹۹۹-جو ایلده یئلتسین ایستعفا وئردیکدن سونرا پوتینین پرزیدنت اولماسینی تکلیف ائتدی. بونونلا دا ولادیمیر پوتین روسییانین یئنی لیدری اولدو. او، بوندان سونرا روسییانی گوجلو دؤولته چئویرمک اوچون بیر سیرا رادیکال قرارلار آلدی».

داها اطراف‌لی ویدئودا: